I Samuuele 19:5 - O Mikanda Ikola

⁵ Kuma muene muenhu uê ka u suu, kifua ua u ambatele bhu lukuaku, anga u jibha mukua Fidíxia, Jihova iu ua bhesa kikóue kia dikota kua Izalaiele; eie-muène ue u mbangi kuma ua ki muene, anga u kala mu sanguluka; eie ua mu edile: Tanaku! Kiki-phe u tela-hi kituxi kia kuzunza manhinga a kambe mulonga, hé Davidi u mu jibhʼê ngó sé kikuma?

I Samuuele 19:5 ပူးပေါင်းရင်းမြစ်များ

II Samuuele 23:10

Muene-phe u balumuka anga u beta akua Fidíxia katé lukuaku luê ki lua bhuila, o lukuaku anga lu mu naminina ku xibhata. Jihova anga u kalakala kubhanduluka kua kikóue kia dikota kizuua kienhokio. O mundu ua masoladi kia alukila kua Eleiazale, eza kiá ngó mu kubonga imbamba ia madibhundila.

I Malunda 11:14

Muene-phe ni Davidi a di-te mu kaẋi ka kamukáu kenhoko, mbé ku ka bhângela, o akua Fidíxia hé a a jibha-jibha; Ngana anga u bhanga kikalakalu kiónene mu ku a bhângela.

I Malunda 11:18

O kitatu kiókio-phe anga a divubula mu kilômbo kia akua Fidíxia, hé akatula o menha mu kixima kia Beleme, kiala bhu mbandua-muelu; a a zangula anga a a bhekela Davidi; maji Davidi-phe ua ditunu ku a-nua, hé u a lunduluila bhu pholo ia Jihova, kuma ujitu uê ua mu bhana.

Jisálamu 109:5

Mu mbote i nga a bhange, ene a ngi vutuila phulu; ua a zolo, ene a mu zembe.

Jisálamu 119:109

Muenhu uami ithangana ioso kifua nga u zenzeka bhu maku, maji o ku ngonge ié ki ngi jimbi-ku.

Jisálamu 25:3

Kana bá! oso a ku kinga eie ka tena kukakuka; a kakuka kikale ió a baluka ni kubhuma.

Jisálamu 69:4

Iá a ngi zembe sé kikuma, kota mu kuvula, o jindemba mu mútue uami ndenge; jinguma jami, a ngi zembe mu makutu, a suína; a mesena muene ku ngi batula mu muiji, ima ki nga i di ngoho, ia ngi bhingi ku i futa.

Jisálamu 94:21

A di vubula kumoxi enhoso mu kúdia ió aiuka, a jibhisa ió kala ni kikuma mba mulonga.

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Jelemiia 26:15

Maji ijienu-kiu-phe ni kidi kioso, kuila se mu ngi jibha eme muanda ku di bhekela manhinga ma muthu ua iuka ku thandu dienu, ni ku thandu dia mbonge iii ni ku thandu dia oso a tungu-mu; mbata ni kidi kiene, Jihova muene ua ngi tumikisa kokuenu, phala ku ngʼivua ni mátui menu o maka mosoʼama.

Matesu 27:24

Pilatu-phe kia mono kuma ka lende kima, maji bhuanda kusalumuka mvunda, u tuma kutakana menha, anga u sukula o maku bhu pholo ia mundu, uixi: Ki ki kale kituxi kiami, kia manhinga ma muthu iú uaiuka; enuʼenu sokenu-na-kiu.

Matesu 27:4

Nga te kituxi mu thelekala o manhinga ma muthu uaiuka! Kuala ene-phe: Etu kia tu kuatelahi? Maka mé eie. Eie-muène soka na-kiu!

Nzuá 15:25

Oko a ki bhange-phe mu kubhitisa o maka mòsoneke mu Kitumu kiâ, ma kuila: Ene a ngi zembe sé kikuma.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

Filipe 2:30

Kuma o sedivisu ia Kristu, Epafrodito ia mu bhekele mu kukamba ngó kʼofele phala kufua. Muène-phe ua zembe o muenhu uê, mu ku ngi dikila eme, bhu kididi kienu mua kambele-bhu.

Jihebeleu 2:3

Etu-phe tua kà lengela bhebhi, se o kubhuluka kuosʼ-uku kua tu kuata usudi? Ngana Jezú muène o kubhuluka kuku ua diànga kiá ku ku tanga, etu anga a tu kunda na-ku kuala ió a ku ivu, kuila kubhuluka kua kidi.

Afundixi 12:3

O ki nga mono enu mua kambe ku ngi kudila, nga te o muenhu uami bhu lukuaku luami nga sambuka mu kúlua ni anʼa Amone, Jihova-phe ua a bhakula bhu lukuaku luami; o ki tualʼiki-phe kima kiahi ki mi bhangesa ku ngi sanga kiki ni jimvunda?

Afundixi 9:17

Kuma tatʼetu ua mi bhángela ku ita, ua texi o muenhu uê, iu ua mi kudila bhu lukuaku lua akua Midiiana.

I Samuuele 11:13

Saúlo-phe, uixi: Kana, ki mu jibhe-bhu muthu lelu; mukonda lelu Jihova ua kalakala ubhulukilu mua Izalaiele.

I Samuuele 14:45

Mundu anga ambela Saúlo, exi: Kifua Jonata ufua, muthu ua kalakala lelu o kikoue kiosoʼiki mu Izalaiele? Lu ku suke, Saúlo! Mundu anga a loka ue, exi: Kale-ku Jihova ku muenhu, ni lundemba luê ngó lumoxi ku mútue ki lu sonoka bhoxi; kuma muene ua kalakala ni Nzambi kizuua kia lelu. Kienhiki mundu a tambula Jonata bhu maku a Saúlo, a fudisa phala ka fue.

I Samuuele 19:6

Saúlo anga u ívua dízui dia Jonata; Saúlo anga u loka, uixi: Kala Jihova kiala ku muenhu, Davidi ka mu jibha, kana.

I Samuuele 20:32

Jonata anga u vutuila Saúlu, tatʼâ, uixi: Phala-hi-phe ki bhinga ku mu jibha? ua te kituxi kiahi?

I Samuuele 22:14

Ahimeleke anga u vutuila muenexi, uixi: Ku makuenze mé moso-phe nanhi ua ku kala fiiele, u soka ni Davidi, muene holomiʼê eie u muenexi, ua tumaka kiambote mu kionge kia jitata, muthu ua ujitu ku mbanza?

I Samuuele 28:21

Muhatu anga u iza kua Saúlo, u mu mona kuma ua bhuuama kiavulu, u mu ambela, uixi: Talesa-ze, ngana, ngi kahatu ké nga ku ivu dízui, muenhu uami kifua nga u te bhu lukuaku, eme ngʼevu o maka oso u ua ngʼambela.