I Samuuele 19:24 - O Mikanda Ikola

²⁴ Anga u zula ue izuatu iê, u ximana ni kutanga uanji ua upolofeta bhu pholo ia Samuuele, hé u zeka ni tuẋi kumbi diosuʼodio ni usuku uê. Mukonda dia kiki a ki ta dingi ku mukûmbi, exi: Saúlo manhi ua di bundu ué mu jipolofeta?

I Samuuele 19:24 ပူးပေါင်းရင်းမြစ်များ

II Samuuele 6:14

Davidi anga u kina, bhu pholo ia Jihova ni nguzu ioso; Davidi ua zuata efodi ia linhu.

II Samuuele 6:20

Davidi anga uia kubenzela dibhata diê-muène. Mikala, monʼa Saúlo ua muhatu, anga uiza kukauidila Davidi, uixi: Muenexiʼa Izalaiele kujinga kuahi lelu, u di vungununa bhu pholo ia tuhatu tua abhikʼé, mukuâ ni muthu uoso-uoso ngó ua kambe sonhi!

Izaía 20:2

Bhu thembuʼoio Jihova ua tangela polofeta Izaia, monʼa Amoji, uixi: Ndé ka Zule kidinhaji ki ua di-kutu mu mbundʼokio, ni jisabhatu ku inama zula-ju. Muene anga u ki bhanga, anga uenda tuẋi, inama bhoxi dia hatu.

Mikeia 1:8

Mukonda dia kiki nga kà di ta mutendu, nga kà buza, nga kʼenda kala muthu a mu bhûndu, ua xala tuẋi; nga kà di ta mutendu kala ki bhanga o jimbulu, nga kà dikola kala kihendembumba.

Dialuilu 24:4

u zuela, ió uevu maka ma Nzambi, u mona kisukila kia Muteni-a-ioso, uia ku kiambu, maji mesu a tono;

Jipoxolo 9:21

Oso a mu ivua jinga anga a diuana, exi: Ki muenʼiú mu Jeluzaleme ua jibha-mu ni kuhama oso bheza mu dijina didi dia Jezú? O kunu ki kiene kia mu bheka, kuta athu iá ku mikolo, nʼaie-nâ ku jinganga ja makota?

I Samuuele 10:6

Bheneʼobho-phe Nzumbi ia Jihova ua kà tula ni nguzu ku thandu dié, eie ua kà zuela ue ni uanji ua upolofeta, ua kà biluka kiá u muthu uengi.

I Samuuele 15:35

Tundé kiá bhu Kizuua kienhókio, plofeta Samuuele ka tona dingi kuiza mu kudimona ni Saúlo katé bhu kizuua kiê kia kúfua. Samuuele-phe anga u kala mu dila Saúlo, kuma o kia Saúlo kia mu bhekela jinga henda. O Jihova ue u diela mu ku ta Saúlo ku ungana ua Izalaiele.

I Samuuele 18:10

Ki kuákie, mu kizuua kiamukuá, nzumbi iaiibha i tunda kua Nzambi anga i kuata Saúlo ni nguzu, anga u kala mu xingila mʼonzo. Davidi-phe anga u kala mu xika mbànza ni lukuaku luê, kala kiene mu bhanga kiá izuua iamukuá. Saúlo anga u kala ni sosa bhu lukuaku luê.