I Samuuele 19:2 - O Mikanda Ikola

² Jonata anga u tangela Davidi, uixi: Saúlo, tatʼetu, ua mesena ku ku jibha. Nga ku diondo-phe, dimuka! Ki kúkia, u kala kididi kiakondama kia kusuama.

I Samuuele 19:2 ပူးပေါင်းရင်းမြစ်များ

Jisálamu 16:3

Athu é angene, abhu o ituxi, ene athu a ujitu nga endi mu ngongo.

Jisabhu 17:17

Dikamba u zola mu thembu joso; o ndandu u di monekena mu jiphaxi.

Jipoxolo 23:16

Maji o muebhu a Phaulu-phe, monʼ a phangʼ iê ia muhatu, u kʼivua kioso kia mu batamena, anga uiza u bokona mu mbonge, u ki tangela Phaulu.

Jipoxolo 9:24

Saúlu anga uivua o ndunge iâ. Mukonda ene a kexi mu kulangidila o mielu ioso ia mbonge, ni mu usuku ni mu muanha, phala mu kutunda a mu jibhe.

I Samuuele 19:1

Saúlo anga u ambela monʼê Jonata ni jiselevende jê joso kuila a jibhe Davidi. Jonata-phe, monʼa Saúlo, ua zolele kiavulu Davidi.

I Samuuele 19:3

Eme-phe mungu ngi tunda ni tatʼetu, hé ngʼimana-nê mu mukáu, bhuazukama ni bhuoso bhu uala, anga tatʼetu ngi di kunda-nê maka mé eie phala ngi mu ívue; kioso-phe dingi ki ngi mona-ku ngi ku tangela-kiu.

I Samuuele 20:2

Muene u mu vutuila, uixi: Ki kala kisunji; tatʼetu ka tena ku ku jibha! Mukonda muene kene kubhanga kima kia dikota mba kiofele, nʼa kambe ku ngi tangela-kiu. Hé kiki-phe, tatʼetu u ki suekela-hi? Nga fika makutu.

I Samuuele 20:5

Davidi anga u ambela Jonata, uixi: Mungu-ze mbeji ia thethama, eme ki nga tokala ngi fula kuxikama ni muenexi ku meza; ngi bhane-phe disesa, ngiie ngi suame mu iangu katé mu kizuua kia katatu mu ngoloxi.