I Samuuele 19:1 - O Mikanda Ikola

¹ Saúlo anga u ambela monʼê Jonata ni jiselevende jê joso kuila a jibhe Davidi. Jonata-phe, monʼa Saúlo, ua zolele kiavulu Davidi.

I Samuuele 19:1 ပူးပေါင်းရင်းမြစ်များ

Dimatekenu 37:18

Ene-phe anga a mu muena dikanga, kuala kuijiia, kioso kiluua a bhiẋila bhuala ene, a mu ta kikutu kia ku mu kanena kiá, phala ku mu jibha.

II Samuuele 4:8

Anga a bheka mútue ua Ixibozete kua Davidi bhu Hebolone, ambela muenexi, exi: Talesa mútue iú ua Ixibozete, monʼa Saúlo, nguma ié, ua sota jinga ku ku tambula o muenhu ué; Jihova phe ua ku zokela mvunda ié, u muenexi, kua Saúlo ni mbutu iê.

I Samuuele 18:1

Bhenhobho anga ki bhita kuila, kia zubha Davidi kuzuela ni Saúlo, muẋima ua Jonata u takana ni muẋima ua Davidi, Jonata anga u zola Davidi kala kia di zolo muene.

I Samuuele 18:25

Saúlo anga u zuela, uizi: Davidi mu mu ambela kiki: Muenexi ka mesena kilembu mukonda ua mesenʼé ngó hâma ia inhûnga ia akua Fidíxia, mu ku mu vutuila phonzo ku jinguma jê. Saúlophe ua zuela kiki mukonda ua fika kuma Davidi ua-nda ku dibhala bhu lukuaku lua akua Fidíxia.

I Samuuele 18:3

Ni Jonata ni Davidi-phe anga a ta kikutu kia ukamba, mukonda o Jonata ua zolele Davidi kala kia di zoloʼê muene.

I Samuuele 18:8

Saúlo anga u kala ni njinda iavulu, kuma mukumbi iú ua mu iibhila; mbata uixi: Davidi a mu fika makuinhi a jimidi, eme jimidi ngó! Kua ngi xala-hiphe dingi mu ku ngi tambula o ungana?

I Samuuele 18:9

Saúlo anga u kala mu toka mesu kua Davidi, tunde bhu kizuua kienʼokio.

I Samuuele 19:2

Jonata anga u tangela Davidi, uixi: Saúlo, tatʼetu, ua mesena ku ku jibha. Nga ku diondo-phe, dimuka! Ki kúkia, u kala kididi kiakondama kia kusuama.

I Samuuele 20:1

Kienhokio-phe Davidi anga u lenga ku Naiote mu Lama, uiza kua Jonata, u mu ambela, uixi: Kima kiahi ki nga bhange? Nga bholomona mulonga uahi mba nga bhukumukina bhebhi? Kituxi kiahi ki nga te kua tatʼenu, phala muene ku ngi bhindamena kiki ku ngi jibha?

I Samuuele 20:19

Mu kizuua kia katatu-phe, sé ngó kufula, ua kà kulumuka bhu kididi kiná bhu ua suamene mu kizuua ki tua bangana, ua kà xikame benhobho bhu mbanduʼa ditadi dia Ezele.