I Samuuele 18:8 - O Mikanda Ikola

⁸ Saúlo anga u kala ni njinda iavulu, kuma mukumbi iú ua mu iibhila; mbata uixi: Davidi a mu fika makuinhi a jimidi, eme jimidi ngó! Kua ngi xala-hiphe dingi mu ku ngi tambula o ungana?

I Samuuele 18:8 ပူးပေါင်းရင်းမြစ်များ

Dimatekenu 37:11

Jiphange jê anga a mu kala ni luma; maji o tatʼâ-phe ua bhake maka enhá ku muxima uê.

Dimatekenu 37:8

Kuala jiphange jê, exi: Uixi kiebhi? Mbé kifua eie kiá u sobha ua-nda kuia ni ku tu tumina? Kidi kiene, kifua eie u tu tambula ungana nʼu kala mu ku tu tumina etu? Anga a mu zemba dingi kiavulu mukonda dia jinzoji jê, ni kuzuela kuê.

I Jisobha 2:22

Sobha Solomá anga u kumbulula mamʼâ uixi: Adoniia u mu bhingila kiebhi Abisaki, mukua Suneme? Ku mu bhingila-hi ue kiá ni ungana uene, kuma muene kota diami? Ngambe, mu bhingile kiá muene, ni nganga Abiiatele, ni Jouabe monʼa Zeluia.

Estere 3:5

Hamane kia zubha ku ki mona kuila Moledekai nguaié ku mu fukamena, guaié ku mu diundila, njinda bhenhobho i mu kuata.

Jisabhu 13:10

Ukumbu-phe u bheka ngó jimvunda; athu-phe a tetulukʼó, a bhanga ioso ni unjimu.

Jisabhu 27:4

Njinda kifumbe, o kuthathamana ku bhanga kiaiibha; maji nanhi u tena ku di fikidila bhuala o difuba?

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Dialuilu 11:1

Kifuẋi anga ki kala mu longolola, a zuela ima iaiibha mu mátui ma Jihova; Jihova-phe kia kʼivu njinda i mu kuata; túbhia tua Jihova anga tu uama muʼaxaxi kâ, o bhua suku kilômbo, hé enda ni kuaúka.

Dialuilu 22:34

Balamu anga u zuela, uixi: Nga te kituxi; kuma ki nga kʼijidile kuila eie ua ngʼimanena mu njila; kiki-phe hé kia ku iibhila, zá ngi vutuke ku nga tundu.

Tiiaku 4:5

Inga mua fika kuma o Madivulu Makôla ma ki zuela ngoho, kuila: Nzumbiʼoio, a mu ta Nzambi moxi dietu, ua tu indi ni difuba.

I Samuuele 13:14

Kiki-phe o utuminu ué ki ua-nda kunanga. Jihova ua di sotela kiá muthu ua mu zelela ku muẋima uê, muene ua-nda ku mu tumbika kukala mutuameneni ua mundu uê, mukonda eie kua bhake kijila kia ku tumu.

I Samuuele 15:28

Kienhoko Samuuele anga u mu ambela, uixi: Jihova ua ku tandula lelu ungana ua Izalaiele, iu ua u bhana mukuenu uengi ua ku tundu mu kuiuka.

I Samuuele 16:13

Samuuele bhenhobho u sunga lumbinga lua maji, u mu unda muʼaxaxi ka jiphange jê. Nzumbi ia Jihova anga u tula ni nguzu ku thandu dia Davidi tunde kizuua kienʼokio. Kienhiki Samuuele u balumuka, hé u vutuka ku Lama.

I Samuuele 18:9

Saúlo anga u kala mu toka mesu kua Davidi, tunde bhu kizuua kienʼokio.

I Samuuele 19:1

Saúlo anga u ambela monʼê Jonata ni jiselevende jê joso kuila a jibhe Davidi. Jonata-phe, monʼa Saúlo, ua zolele kiavulu Davidi.

I Samuuele 20:31

Kuma kioso kiala hanji monʼa Jese kʼulu dia munduʼiki eie muene muenhu ué ki u kolo, o utuminu ué ki u kuata. Kiki-phe, mu tume, u ngi bhekele-nê bhabha; kuma ni kidi muene, ua bhingi úfua.