I Samuuele 18:5 - O Mikanda Ikola

⁵ Davidi anga uia ni ku tunda kuoso kua mu tumu Saúlo, u kumbidila ni kilunji u bhanga unjimu mu ima ioso. Saúlo anga u mu bhana kijingo kia kutumina makuenze a ita, anga ki uabhela mundu uoso katé ni akua mbele ia Saúlo ene ue kia a uabhela.

I Samuuele 18:5 ပူးပေါင်းရင်းမြစ်များ

Dimatekenu 39:23

Kasalelu kala kusuua dingi ima ia bhakuila bhu makuʼa Zuze, mukonda Jihova uala-nê; o ima ioso ia bhanga, Jihova u i zediuisa, ienda kiambote.

II Samuuele 5:10

Ukota ua Davidi anga uia ni ku di bandekeza ni kukula; kuma o Jihova, Nzambi ia ifuẋi, uala-nê.

II Samuuele 5:2

Mu thembu iabhiti, kia kexi hanji Saúlo ku ungana, eie muene ua kexe mu tuamenena Izalaiele mu kutunda ni mu kubokona; Jihova ue ua ku ambelele, kuma: Eie uà kala u mubidi ua mundu uami Izalaiele, eie uà kala u mutuameneni ua Izalaiele.

II Malunda 17:3

Jihova anga u kala ni Jozafate; mukonda uende mu jinjila ja dianga ja Davidi, tatʼâ, nguê kusota Bale.

Jisálamu 1:3

Muthu ió u kala mukuâ ni muxi uòphaphe bhu mbanduʼa honga ia menha, uenda ni kulukula jinga ibundu bhu thembu iê, o difue diê ki di lela ni di laúka; o kioso kia bhanga, ki tunda ni kubhanduluka.

Jisálamu 101:2

Ngi sota kuenda jinga ni kilunji mu njila iaiuka; nga ku indi kiavulu, u ngi sanga kumbi kuẋi bhu ngala? Ngenda jinga monzo iami ni muẋima ua ujitu.

Matesu 10:16

Talenu, nga mi tundisa kala mu jimbudi mua di lungu ni jimbinji. Muila-phe ni kudimuka kala mu jinhoka, ni kutobha kala mu mêmbe.

Jipoxolo 7:10

Hé u mu kudila mu malamba mê moso. O Zuze kia tukuluka kua Falaó, Nzambi u mu muesa ujitu ni unjimu bhu pholo ia Falaó sobha ia Ijitu. O Falaó anga u mu bhanga nguvulu ia Ijitu, ni ia ku tumina dibhata diê dioso.

Efezo 5:17

Kana kukala-phe mua tobho, maji mu tongolola ioso o vondadi ia mi mesena Nzambi o kubhanga.

Kolose 4:5

Kuatenu kilunji mu kuenda kuenu ni athu ku kanga. O bhuoso bhu mu muena kithangana, kienhokio kana kudibotesa-kiu mu ngoho.

Afundixi 1:19

Jihova anga u kala kumoxi ni Juda, u kaia athu a tungu ku milundu, a tungu ku luiji-phe mu dikôlo ua lémbua ku a kaia, mukonda ala ni makalu a felu.

I Samuuele 13:2

Saúlo u nona midi jitatu ja mala mu Izalaiele, o ku midi jitatuʼiji, midi jiiadi ji kala ni Saúlo bhu Mikimaxi ni mu mulundu ua Betele, midi imoxi i kala ni Jonata bhu Ngibeia ia Bejamí; Mundu ua subhukaku ua mukuá hé u a muanganesa kala muthu ku balaka iê.

I Samuuele 14:52

Anga kukala ita iatema ni akua Fidíxia izuua ioso ia muenhu ua Saúlo. Saúlo anga u kala mu kuila uoso diiala dia nguzu a mu mono, uoso dizonda dia kubhânga, u mu bhongolola hé u kalanê kumoxi.

I Samuuele 18:16

Izalaiele ioso-phe ni Juda anga a zola Davidi; kuma Davidi u kala mu tunda, u kala mu bokona bhu pholo iâ, ni ku a tuamenena kuene kuoso mu ita.

I Samuuele 18:30

Jisobha ja akua Fidíxia anga ji kala mu tunda ku izuua-izuua phala kúlua-nâ; maji kioso-phe kia tunda, Davidi u beta kukala ni kilunji kia kulenda o kutolola jisobha ja akua Fidíxia, makuenze oso a Saúlo ndenge; dijina diê anga di fumana dingi kiavulu.

I Samuuele 18:4

Mukonda dia kienʼiki, Jonata anga u zula divunga diê-muène dia zuata, u di ta kua Davidi, ni ibhakatu iê katé ni xibhata iê, ni mufula uê, ni phonda iê.

I Samuuele 18:6

Anga ki bhita-phe kuila, kilômbo kioso kia ita mu kubhongoloka ku bhata kia tundu Davidi mu kujibha Ngoliia dia mukua Fidíxia, kuma ahatu oso a tunda mu mbahata moso ma izalaiele, ni kuimba ni kukina mu kauidila sobha Saúlu, ni kusanguluka ni kuxika tungoma ni isaka.

I Samuuele 3:19

Samuuele anga uia ni ku kula, Jihova anga u kala-nê, kehela maka-mê moso-moso kuláuka bhoxi.