I Samuuele 18:30 - O Mikanda Ikola

³⁰ Jisobha ja akua Fidíxia anga ji kala mu tunda ku izuua-izuua phala kúlua-nâ; maji kioso-phe kia tunda, Davidi u beta kukala ni kilunji kia kulenda o kutolola jisobha ja akua Fidíxia, makuenze oso a Saúlo ndenge; dijina diê anga di fumana dingi kiavulu.

I Samuuele 18:30 ပူးပေါင်းရင်းမြစ်များ

II Samuuele 11:1

Anga ki bhita kuila, ki bhua bhiti o muvu, bhu thembu bhene kutunda o jisobha mu kúlua ita, Davidi u katula Jouabe ni makuenze mê kumoxi, ni Izalaiele ioso, anga a buidisa anʼa Amone, o mbânza ia Labá a i kondoloka, hé a a batuila momo. Davidi-phe ua xala mu Jeluzaleme.

II Samuuele 7:9

Eme ngende ni eie kuoso-kuoso ku ua di tela jinga, jinguma jé nga ji buikisa bhu pholo ié; nga ku jîngisa o dijina, kala o majina ma athu ónene a fumana mu ngongo.

II Jisobha 1:13

Anga u tona dingi o ku mu tumikisa kabhitangu ka makuinhi a tanu lua katatu ni makuinhʼé a tanu; bhenhobho o kabhitangu ka makuinhi a tanu ua bande, iú ueza, iú ua fukama bhu pholo ia Elija, ni ku mu dionda, uixi: Muthu ua Nzambi, tata! Muenhu uami, nga ku diondo, ni muenhu ua abhikʼé o makuinhi a tanu iá, u di bhange phelu ia nzaji ku mesu mé.

Jisálamu 116:15

O Kúfua kua muthu uê ua mu solo, ku mesu a Jihova phelo ia nzaji.

Jisálamu 119:99

Nga beta kutongoloka, jimesene jami joso ndenge; mukonda-phe dia kuxinganeka o umbangi ué.

Jisabhu 12:8

Muthu kioso kia soko o unjimu uê, kiene ue kia ká mu tumbula; maji o semenhi ia muẋima-phe, athu oso a mu sebulula.

Daniiele 1:20

O mu maba moso-phe ma unjimu, ni kutongoloka, ma ebhula jinga sobha kia kala ni maka a mu bhonzo, o iá ua a mono kuila a bande kuinhi dia matala mu kuijiia o jinganga, ni jimesene ja jithéthembua jene mu utuminu uê uoso, ndenge.

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Efezo 5:15

Uila kiki, alukenu-phe kiambote kioso ki muenda. Kana kala mu ioua, maji mu kala mu jinjimu.

I Phetele 2:4

Zenu-phe kua Ngana, o ditadi dia muenhu, diotende kidi ku athu, maji o kua Nzambi-phe diosole, dia ujitu.

I Phetele 2:7

O ditadi didi dia te kiavulu, phala enu oso mua xikana. Maji phala ió a kambe kuxikana: Ditadi dia ditunu o jimesene kuila ki di uabha, dia biluka diene dia kuatesa bhu thungi.

I Samuuele 18:29

Saúlo kia ki mono, anga u bandekeza dingi o kukala ni uoma ua Davidi; Saúlo anga u kala nguma ia Davidi izuua ioso ia muenhu uê.

I Samuuele 18:5

Davidi anga uia ni ku tunda kuoso kua mu tumu Saúlo, u kumbidila ni kilunji u bhanga unjimu mu ima ioso. Saúlo anga u mu bhana kijingo kia kutumina makuenze a ita, anga ki uabhela mundu uoso katé ni akua mbele ia Saúlo ene ue kia a uabhela.

I Samuuele 19:8

Anga ku kala dingi ita: Davidi anga u tunda, u lua ni akua Fidíxia, u a jibha ni kihaẋi kia dikota; ene anga a mu lenga.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.

I Samuuele 26:21

Saúlo bhenhobho anga u zuela, uixi: Nga bhange kiaiibha! Vutuka monʼami Davidi, kuma ki nga-nda ku ku bhanga dingi phulu; mukonda muenhu uami eie lelu ua u kiti kima kikôla. Ni kidi muene nga bhange uoua, nga tondala kiavulu muene.

I Samuuele 26:24

Talesa, kala o muenhu ué ki ua kôlele mu mesu mami, kiene kimoxi muenhu uami ue u kole mu mesu ma Jihova, muene a ngi kudile mu kutata kuami kuoso-kuoso ku ngi kala na-ku.