I Samuuele 18:25 - O Mikanda Ikola

²⁵ Saúlo anga u zuela, uizi: Davidi mu mu ambela kiki: Muenexi ka mesena kilembu mukonda ua mesenʼé ngó hâma ia inhûnga ia akua Fidíxia, mu ku mu vutuila phonzo ku jinguma jê. Saúlophe ua zuela kiki mukonda ua fika kuma Davidi ua-nda ku dibhala bhu lukuaku lua akua Fidíxia.

I Samuuele 18:25 ပူးပေါင်းရင်းမြစ်များ

Dimatekenu 29:18

Jakobo anga u uabhela Lakele; anga u zuela, uixi: Ngi ku bhikila mu sambuadi dia muvu, phala u ngi bhane monʼé Lakele, monʼé ua ndenge.

Dimatekenu 34:12

Né mua ngi xindi kilembu kiahi kiosuʼiki, ni ujitu, ngi i bhana muene ioso i mua zuela; kabasa mua ngi bhana kilumba ku mu sakana.

II Samuuele 3:14

Davidi anga u tuma jiphunga kua Ixibozete monʼa Saúlo, uixi: Ngi bhane mukajiʼami Mikala, nga mu lembele hâma ia inhûnga ia akua Fidíxia.

Josuué 5:3

Josuué anga u iudika jiphoko ja matadi, anga u saia anʼa Izalaiele bhu kalundu ka inhûnga, muene Alalote.

I Samuuele 14:24

Mala ma akua Izalaiele anga a tata kizuua kienʼokio; a iokojoka ni kihongo kia nzala mukonda Saúlo o mundu ua u tendelela ni kuloka, uixi: A mu bhubhidile uoso u dia dikoka lelu, tunde kiki katé mu ngoloxi, phala ngi diange hanji kutata phonzo ku jinguma jami. Kienhiki ku athu oso, kana muthu ua tena ku lola kúdia.

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?

I Samuuele 17:36

Eme ngi mubhikʼé, kienhiki ki nga jibha o hoji ni úlusu; kiiala kiki-phe kia mukua-dibôlo ku Fidíxia, kiene ue ki ngi mu bhanga; mukonda muene ua lebhula kilômbo kia Nzambi ia muenhu,

I Samuuele 18:17

Saúlo anga u ambela Davidi, uixi: Eie-ze, monʼami ua muhatu, Melabe o dikota, ngi ku bhana-nê mu kusakana, kabasa ua kolokota ngó ni uzonda ua ku ngi bhângela, mu kúlua ita ia Jihova. Kuma Saúlo uambe ku muẋima uê, uixi: Lukuaku luami ki lu mu tule, mukonda o ku mu jibha eme, ki ki uabha; kota a fuile ku lukuaku lua akua Fidíxia.

I Samuuele 18:24

Akua mbèle ia Saúlo anga a mu tangela, exi: Kia zuela Davidiʼiki.

I Samuuele 19:1

Saúlo anga u ambela monʼê Jonata ni jiselevende jê joso kuila a jibhe Davidi. Jonata-phe, monʼa Saúlo, ua zolele kiavulu Davidi.