I Samuuele 18:23 - O Mikanda Ikola

²³ Akua mbèle ia Saúlo anga a zuela maka enhá mu mátui ma Davidi, Davidi-phe uixi: Enu kifua kia mi tolela o kukala holomeʼa muenexi, eme muene ngi ngadiama ia hatu, ngi muthu a ngi tènde?

I Samuuele 18:23 ပူးပေါင်းရင်းမြစ်များ

Dimatekenu 29:20

Kienhokio Jakobo anga u bhika sambuadi dia muvu mu kilembu, mukonda dia kuzola Lakele; anga u i fika kala tu izuua ngó mukonda dia ku mu zola kua mu zolele kiavulu.

Dimatekenu 34:12

Né mua ngi xindi kilembu kiahi kiosuʼiki, ni ujitu, ngi i bhana muene ioso i mua zuela; kabasa mua ngi bhana kilumba ku mu sakana.

Jisálamu 119:141

Nga tolo muene, ki ngalʼiki, ngi muthu a ngi tobhesa; maji o ijila ié ki i ngi jimbi, kana.

Jisabhu 14:20

Ngadiama a mu zemba, katé ni ku jindandu jê kuene; maji o mvuama-phe, makamba a vula.

Jisabhu 29:5

Muthu uoso u kuata kuhanza mukuâ, phala ngó ku mu kuata kafua-pholo, kiókio ua mu zalela uanda mu njila.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.

I Samuuele 18:18

Bhenhobho Davidi anga u ambela Saúlo, uixi: Eme-phe nanhi? O kikexilu kiami ngoho kiahi? Mba o familia ia tatʼetu akuahi mu Izalaiele, phala eme ngi kale lelu ngi holome ia muenexi?

I Samuuele 18:22

Saúlo anga u ambela akua mbèle iê, uixi: Muenda ni kuzuela ni Davidi ku mbandu, mu mu ila kuma: Eie-ze muenexi ua ku uabhela, ni akua mbèle iê oso a ku zola; kala-phe u holomeʼa muenexi.

I Samuuele 18:24

Akua mbèle ia Saúlo anga a mu tangela, exi: Kia zuela Davidiʼiki.

I Samuuele 9:21

Saúlo anga u kumbulula, uixi: Eme ki ngi mukua muiji ua Bejamí, o kasule ka miiji ioso ia Izalaiele? O família iami ue ki iene kasule ka jifamília joso ja muiji ua Bejamí? Eie-phe u ngi zuelesela-hi kiki?