I Samuuele 18:21 - O Mikanda Ikola

²¹ Kuma Saúlo, uixi: Ngi mu bhana-nê phala a kale mubhetu ua ku mu kuatela mbé o lukuaku lua akua Fidíxia lu mu tule ku thandu a jime o mbutu. Kienhiki Saúlo anga u ambela dingi Davidi lua kaiadi, uixi: Lelu u kala u holomeʼami.

I Samuuele 18:21 ပူးပေါင်းရင်းမြစ်များ

Jisálamu 38:12

Enhó ue ala ku ngi seia o muenhu uami, a mu ngi tela míkala; athu ió a mesena ku ngi kuama, a tanga ima ia phulu ioso; a nanga kumbi dioso dia kambàmba ni ku ngi kanena.

Makatukilu 10:7

Akua mbèle ia Falaó a mu ambela, exi: Mbambe bhebhi bhu suka muthu muenʼíú ni ku tu tatesa? A ehe, mala enhá, aie, a bhikile Jihova Nzambi iâ; kífua kua kʼijiia luua kuma Ijitu a mu sengulula?

Jisabhu 29:5

Muthu uoso u kuata kuhanza mukuâ, phala ngó ku mu kuata kafua-pholo, kiókio ua mu zalela uanda mu njila.

Jelemiia 5:26

Mbata muʼaxaxi ka mundu uami muala ni akua-phulu: Muthu ni muthu uenda ni kubatamena, kala akua kuolekela mabhebhe a tunjila; oleka mibhetu iaiibha muenda ni kukuatela o athu.

Jelemiia 9:8

O dimi diâ mukuá ni musongo a uasela kujibha; a zuela ni kádia; kia zuela ni mukuá dikanu diê di tanga ima ia uembu, maji o moxi dia muẋima uê-phe ua mu olekela mibhetu.

I Samuuele 18:17

Saúlo anga u ambela Davidi, uixi: Eie-ze, monʼami ua muhatu, Melabe o dikota, ngi ku bhana-nê mu kusakana, kabasa ua kolokota ngó ni uzonda ua ku ngi bhângela, mu kúlua ita ia Jihova. Kuma Saúlo uambe ku muẋima uê, uixi: Lukuaku luami ki lu mu tule, mukonda o ku mu jibha eme, ki ki uabha; kota a fuile ku lukuaku lua akua Fidíxia.

I Samuuele 18:22

Saúlo anga u ambela akua mbèle iê, uixi: Muenda ni kuzuela ni Davidi ku mbandu, mu mu ila kuma: Eie-ze muenexi ua ku uabhela, ni akua mbèle iê oso a ku zola; kala-phe u holomeʼa muenexi.

I Samuuele 18:26

Akua mbèle kia tangela Davidi makʼama, Davidi kia mu uabhela kiambote kukala holomeʼa muenexi. Izuua-phe ia mu xindi kiluua ibhua.