I Samuuele 18:17 - O Mikanda Ikola

¹⁷ Saúlo anga u ambela Davidi, uixi: Eie-ze, monʼami ua muhatu, Melabe o dikota, ngi ku bhana-nê mu kusakana, kabasa ua kolokota ngó ni uzonda ua ku ngi bhângela, mu kúlua ita ia Jihova. Kuma Saúlo uambe ku muẋima uê, uixi: Lukuaku luami ki lu mu tule, mukonda o ku mu jibha eme, ki ki uabha; kota a fuile ku lukuaku lua akua Fidíxia.

I Samuuele 18:17 ပူးပေါင်းရင်းမြစ်များ

II Samuuele 11:15

Mu mukanda anga u soneka kiki, uixi: Udiia mu tienu ku pholo kuoso kua temanana o ita, enu mu vutuke ni dima, mu mu ehele-kiu ubheka uê, phala a mu kuame, a fue.

II Samuuele 12:9

Kiki-phe, phala-hi u tènda kizuelu kia Jihova, mu kubhanga kima kia mu iibhila ku mesuʼê? Kuma Udiia, mukua Hiti, ua mu jibha ku xibhata, o mukajiʼê eie ua mu bhange mukajiʼé eie; o muene eie ua mu bhange ujibhanganga ku xibhata ia anʼa Amone.

II Samuuele 6:16

Mu ku ki bhanga-phe, kioso kiala kubokona álaka ia Jihova mu mbânza ia Davidi, Mikala, monʼa Saúlo ua muhatu, u zongola bhu njanena, anga u mona muenexi Davidi uala mu tuka-tuka, uala mu kina bhu pholo ia Jihova: muene anga u mu tobhesa mu muẋima uê.

Jisálamu 12:2

Kala muthu u tanga makutu kua mukuá; mizumbu iâ ia kutobhesa ngó akuʼá; a zuela ni miẋima iiadi.

Jisálamu 55:21

Mu kanu diê mu nengana kiambote kala matheka, maji ku muẋima-phe kua mu kala mvunda; maka mê ma ẋanana kala maji, maji ua ku zuikila o dizu kala xibhata.

Jisabhu 26:24

Muthu ua zemba mukuá, u di uabhesa ni muzumbu; maji o moxi a muẋima-phe, ua sueka mangonha.

Jisabhu 26:25

Muene kia ku zuelela ni mbimbi iê ia ẋanana kiambote, ku mu dielele; mukonda o mu thulu iê, mua di kondela sambuadi dia isunji iaiibha.

Jisabhu 26:26

Né hanji o luma luê u lu sueka kala muthu uambote, hádia usuéia uê ua-nda kutungunuka bhua tena o kionge.

Dialuilu 21:14

Kiene kia ki tela ku mukumbi ua ita ia Jihova, exi: Vehebe mu Sufale, Jihonga ja kutuka mu Anone,

Dialuilu 32:20

Mozé anga u a ambela, uixi: Hé kiene ki mu bhangʼiki, mu maneka anga mu zaúka Njolodá ku pholo ia Jihova, ku ita,

Dialuilu 32:27

abhikʼé-phe a zaúka, oso mala a maneka a tena kuia ku ita, ku pholo ia Jihova mu kúlua, kala kia tange ngana ietu.

Dialuilu 32:29

Mozé anga u a ambela, uixi: Se anʼa Ngade ni anʼa Lubene, a xikina kuzaúka ni enu ku sámbua dia Njolodá, oso a maneka, mala a kuia ku ita ku pholo ia Jihova, ixi anga i toloka, i kala kiá ienu; ene-phe mu a bhana ixi ia Ngiliiade i kale iâ ene ia kúvua;

Matendelelu 17:7

O lukuaku lua jimbangi luene lu mu andekela o ku mu bûba phala ku mu jibha; anga ku kaiela kiua o mundu uoso; mu kubhanga kiki mua katula o kituxi muʼaxaxi kenu.

I Samuuele 14:49

Anʼa Saúlo-phe a mala eneʼá: Jonata, ni Ixivi, ni Malekisuua; anʼâ aiadi a ahatu-phe o dikota Melabe, o ndenge Mikala.

I Samuuele 17:25

Mala ma Izalaiele anga a zuela, exi: Enu mua mono, kiiala kia zaúka? Ua zaúka muene mu lebhula Izalaiele. Uoso-phe diiala di tena ku mu jibha, muenexi uetu ua-nda ku mu bhana jimbongo javulu, u mu bhana monʼe ua muhatu mu kusakana, o dibhata dia tatʼâ di kala ku ufolo mu Izalaiele, ka futu dingi díjimu.

I Samuuele 17:36

Eme ngi mubhikʼé, kienhiki ki nga jibha o hoji ni úlusu; kiiala kiki-phe kia mukua-dibôlo ku Fidíxia, kiene ue ki ngi mu bhanga; mukonda muene ua lebhula kilômbo kia Nzambi ia muenhu,

I Samuuele 17:47

O mundu uoso iú ua bhongoloka bhabha nda u ijiie ue kuila Jihova ka bhulula ni xibhata mba sosá, kuma o ita, ita iangene ia Jihova. Muene lelu ua-nda ku mi bhakula bhu maku metu.

I Samuuele 18:21

Kuma Saúlo, uixi: Ngi mu bhana-nê phala a kale mubhetu ua ku mu kuatela mbé o lukuaku lua akua Fidíxia lu mu tule ku thandu a jime o mbutu. Kienhiki Saúlo anga u ambela dingi Davidi lua kaiadi, uixi: Lelu u kala u holomeʼami.

I Samuuele 18:25

Saúlo anga u zuela, uizi: Davidi mu mu ambela kiki: Muenexi ka mesena kilembu mukonda ua mesenʼé ngó hâma ia inhûnga ia akua Fidíxia, mu ku mu vutuila phonzo ku jinguma jê. Saúlophe ua zuela kiki mukonda ua fika kuma Davidi ua-nda ku dibhala bhu lukuaku lua akua Fidíxia.

I Samuuele 18:27

Davidi anga u katuka kiá, ni muene ni makuenze mê a mu tokala, anga a jibha ku akua Fidíxia, hâma jiiadi ja mala. Davidi anga u bheka inhunga iâ, hé u thelekala kua muenexi konda ia mu xindi ia tena, phala a kale holomeʼa muenexi. Saúlo anga u mu bhana Mikala, monʼê ua muhatu, mu kala mukajiʼê.

I Samuuele 25:28

Loloka, nga ku diondo, o kutondala kua kahatu ké; kuma ni kidi muene, Jihova ua-nda ku ku tungila dibhata dinanga, ngana iami: mukonda ngana iami, jimvunda ji uene kuzoka, jimvunda ja Jihova; ka ku kuate ni kikuma izuua ié ioso.

I Samuuele 30:26

Davidi anga u bhixila bhu Zikilake, ku ibhaku ia tambula anga u tumikisa-ku ku adiakimi a Juda, o makambʼê, uixi: Ujitu-ze iú u nga mi tumikisa, ua tundu ku ibhundile i tua bhûndu ku jinguma ja Jihova.