I Samuuele 18:12 - O Mikanda Ikola

¹² Saúlo anga u kala ni uoma ua Davidi, mukonda Jihova uala-nê; maji o kua Saúlo Jihova ua tundu-ku kiá.

I Samuuele 18:12 ပူးပေါင်းရင်းမြစ်များ

II Samuuele 5:10

Ukota ua Davidi anga uia ni ku di bandekeza ni kukula; kuma o Jihova, Nzambi ia ifuẋi, uala-nê.

II Malunda 17:3

Jihova anga u kala ni Jozafate; mukonda uende mu jinjila ja dianga ja Davidi, tatʼâ, nguê kusota Bale.

Jisálamu 51:11

Kana ku ngi kaiesa bhu pholo ié; kana ku ngi tambula o Nzumbi ié Ikôla.

Jisálamu 53:5

A tukumuka-phe uoma ua a kuata, sumbala kingumba ki ki moneka; kuma Nzambi ua muange ifuba ia ió oso ejiie ku ku lokalala; jisonhi ja a kuata, mukonda Nzambi ua a tobhesa.

Hozeia 9:12

Némbe-phe a sasa ana, eme nga-nda ku a katula-nâ, phala ki bhu subhuke diiala. Ni kidi muene, kokolo diâ! Kioso eme ki nga-nda ku a tunda bhu mbandu iâ.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Marku 6:20

Mukonda Helode muene ua kexile ni uoma ua Nzuá, mbata ua mu ijiia kuma muthu ua iuka, muthu ua ngene ukola, iu ua mu bhake bhua kondama. O ki a mu ivua jinga kuzuela, u tandanganha, ni kia kubhanga ka ki mono. Suke kiene, maji u kala ni vondadi ia ku mu ivua.

Luka 8:37

Akua ʼxi iosuʼoio ia Ngandala anga a bhinga Jezú kutunda bhu mbadu jâ, kuma uôma uavulu ua a kuata. Jezú bhenhobho anga u di longa mu bote, u vutuka.

Jipoxolo 24:25

Maji kioso Phaulu kia kala mu kulombolola kioso ki kala o kuiuka, ki kala o kutolola jihanji, ki kala o kufundisa kua hádia, Fele ua teketa, iú ua kumbulula, uixi: Kindala ndeie hanji. Hinu ki ngi kala ni thembu, ngi ku ixana dingi.

Jipoxolo 7:9

O jikukululu kia kuata dixinga dia Zuze, a mu sumbisa mu Ijitu. Nzambi-phe u kala-nê,

Afundixi 1:19

Jihova anga u kala kumoxi ni Juda, u kaia athu a tungu ku milundu, a tungu ku luiji-phe mu dikôlo ua lémbua ku a kaia, mukonda ala ni makalu a felu.

Afundixi 16:20

Muhatu anga u dikola u mu ambela, uixi: Akua Fidíxia a ku tula, Sansau! Muene anga u thathumuka ku kilu, uixi: Ngi tunda, kala ki ngene kubhanga kiá, ngi di kukumuna mu kudibhangela. Mukonda muene ka kʼijidile kuila Jihova ua mu ehelela kiá,

I Samuuele 16:18

Dikuenze diê diamukuá anga u kumbulula, uixi: Eme-ze ngejiia muthu, monʼa Jese bhu Beleme, mesene muene ia kuxika, diiala dia nguzu, dikuenze dia ita, mujitu mu kuzuela, muthu ua kuuabha, o Jihova ue uala-nê.

I Samuuele 16:4

Samuuele anga u bhanga kioso kia mu ambela Jihova, u iza bhu Beleme. Adiakimi a bhata anga eza kutakana-nê ni kuteketa, exi: Ki uezʼiki ueza ni paze?

I Samuuele 18:15

Saúlo-phe kia mu mono kuma ua kumbidila ni kilunji, o ima ioso ia mu tunda kiambote, u mu kala ni hele.

I Samuuele 18:20

Maji Mikala, monʼa Saúlo ua mukuá ua muhatu, anga u zola Davidi; hé a kitangela Saúlu, Saúlu anga ki mu uabhela.

I Samuuele 18:29

Saúlo kia ki mono, anga u bandekeza dingi o kukala ni uoma ua Davidi; Saúlo anga u kala nguma ia Davidi izuua ioso ia muenhu uê.

I Samuuele 20:13

Jihova-phe a ki bhange kua Jónata, a mu tele-ku dingi, se ngi mona tatʼetu ua mesena ku ku bhanga phulu, eme anga ngi kamba ku kuʼijidisa-kiu ni ku ku xinjikila phala eie nʼuié ni ku tululuka; Jihova-ze a kale ni eie, kala kia kexile ni tatʼetu.

I Samuuele 22:13

Saúlo u mu ambela, uixi: Mu ngi kanenenʼahi, ni eie ni monʼa Jese? Kia bhingi eie ua mu bhana huta, ua mu bhana xibhata, ua mu zambuila kua Nzambi, phala a ngi kitukile, a ngi batamene, kala ki tua mu ki mona kizuua kia lelu.

I Samuuele 28:15

Samuuele anga u ambela Saúlo, uixi: Ua ngi fudisila-hi kunhoha kuami, o ku ngi fukununa kiki eme ngeza bhabha? Saúlo anga u vutuila Samuuele, uixi: Nga tate kiavulu; kuma akua Fidíxia eza ku ngi lua ita, Nzambi phe ua ngi xi, kala ku ngi vutuila dingi, né ku jipolofeta, né ku jinzoji. Kiene ki nga ku ixanena eie, phala u ngʼijidise kioso ki ngi bhanga.

I Samuuele 3:19

Samuuele anga uia ni ku kula, Jihova anga u kala-nê, kehela maka-mê moso-moso kuláuka bhoxi.