I Samuuele 18:10 - O Mikanda Ikola

¹⁰ Ki kuákie, mu kizuua kiamukuá, nzumbi iaiibha i tunda kua Nzambi anga i kuata Saúlo ni nguzu, anga u kala mu xingila mʼonzo. Davidi-phe anga u kala mu xika mbànza ni lukuaku luê, kala kiene mu bhanga kiá izuua iamukuá. Saúlo anga u kala ni sosa bhu lukuaku luê.

I Samuuele 18:10 ပူးပေါင်းရင်းမြစ်များ

I Jisobha 18:29

Anga ki bhita-phe kuma, kia bhiti kaxaxi ka kizuua, kumbi ku mediia dia sembuluka-ku kiá, ene a kuata kuzambula katé mu ola ia kubhana mubhaku ua musa ku ngoloxi, hanji-phe ki kuene dízui, ki kuene kuitaia mba ngó ku a suua.

I Jisobha 22:12

Anga jipolofeta joso muene zambula kienhiki, exi: Banda mu Lamote dia Ngiliiade, kuma ua-nda ku a tolola muene, mukonda o Ngana ua kà bhana Lamote dia Ngiliiade bhu lukuaku lua sobha.

Jelemiia 28:11

Hananiia anga u zuela bhu mesuʼa kifuxi kioso, uixi: Jihova uambe kiki: Kiene muenʼiki, ki nga-nda kubukula o jungu ia Nabukodonozolo, sobha ia Babilonha, ki bhuanda kubhita mivu i iadi ia muvimba, mu xingu ia akua jixi joso. Jelemiia-phe dia polofeta, uʼzanguka, uenda njila iê.

Jipoxolo 16:16

Mu kukala kuenioko, kizuua kimoxi ki tu kala mu kuia ku kididi kia kusambela, tu takana ni kahatu uala ni kithûtha kia kuzambula. Muenʼiú mukua kunganhalesa jingana jê kitadi kiavulu mu kuzambula kuê.

II Tesalonika 2:11

Mukonda dia kiki, Nzambi ua a tumikisa nguzu ia a bhekela kavanza ka kutondala, phala a xikane o makutu.

Afundixi 16:20

Muhatu anga u dikola u mu ambela, uixi: Akua Fidíxia a ku tula, Sansau! Muene anga u thathumuka ku kilu, uixi: Ngi tunda, kala ki ngene kubhanga kiá, ngi di kukumuna mu kudibhangela. Mukonda muene ka kʼijidile kuila Jihova ua mu ehelela kiá,

I Samuuele 16:23

Anga aia ni kuila o nzumbi iaiibha ki i tunda kua Nzambi se i kuata Saúlo, Davidi u katula mbànza jê, u kala mu xika ni lukuaku luê. Saúlo anga u nhoha, u sembuluka, o nzumbi iaiibha i mu xia hanji.

I Samuuele 18:9

Saúlo anga u kala mu toka mesu kua Davidi, tunde bhu kizuua kienʼokio.

I Samuuele 19:10

Saúlo anga u sota kukuba Davidi nʼa mu batele ku mutôto ni sosa. Saúlo kia takula o sosa, muene-phe ua i ebha, anga u tunda ni lusolo bhu pholo ia Saúlo, o sosa anga i kuata mu mutôto, Davidi anga u lenga, ua bhulaka usuku uenhó.

I Samuuele 19:7

Jonata anga u ixana Davidi, u mu tangela ima ioso iii. Jonata anga u bheka Davidi kua Saúlo, u kala bhu pholo iê kala kia kexile mʼokulu.

I Samuuele 19:9

O nzumbi iaiibha-phe anga i tunda kua Jihova hé i kala ku thandu dia Saúlo. Kioso kia xikama mʼonzo iê, ni sosa iê ia kuata bhu lukuaku; Davidi anga u kala mu xika mbànza ni lukuaku luê,

I Samuuele 26:19

Bhenhabha-phe, kùku, nga ku diondo, ngʼívue hanji o kuzuela, ngi mubhikʼé: O ki kala Jihova muene ua ku vunza ku ngi zukutisa, ngi mu satele, a ngi tambulule; o ki kala-phe anʼ athu ngó a ka vunza, Jihova a a bhubhidile bhu pholo iê, kuma a ngi kaie, kizuua kia lelu, phala ngi kambe kididi mu undundu ua Jihova, mukua ni kuila, exi: Ndeie, ka bhikile nzambi jengi.