I Samuuele 17:54 - O Mikanda Ikola

⁵⁴ Davidi anga u zangula mútue ua mukua Fidíxia u u ambata, u u bheka mu Jeluzaleme; o ibhakatu iê-phe Davidi anga u i ta mu balaka iê.

I Samuuele 17:54 ပူးပေါင်းရင်းမြစ်များ

Makatukilu 16:33

Mozé anga u ambela Alá, uixi: Kuata ímbia ia mavu, u te-mu nganza imoxi ia maná, u i bhake bhu pholo ia Jihova, ia kulunda ku miji ioso katé ku hádia ni hádia.

I Samuuele 17:53

Anʼa Izalaiele-phe ki a vutuka mu kukaia akua Fidíxia, a di lukula mu ku bhûnda o kibangu kia jinguma jâ.

I Samuuele 17:55

Saúlu kia mono Davidi kutunda mù kuia kubhanga ni mukua Fidíxia, u ambela Abinele, kabhitangu ka kifuxi kiê, uixi: Abinele, monʼú, monʼa nanhi? Abinele, uixi: Kuku, Kalè-ku kala ki uala ni muenhu uê moxi, ki nga kʼijiia.

I Samuuele 17:57

Davidi-phe kia vutuka mu kujibha mukua Fidíxia, Abinele u mu kuata, u mu bheka bhu pholo ia Saúlo, ni mútue ua mukua Fidíxia bhu lukuaku luê.

I Samuuele 21:9

Nganga-phe, uixi: Mukuale ua Ngoliia mukua Fidíxia, ua mu jibhidile eie mu honga ia Elá, iu-ê-iú, uófute mu dituaia kuema dia efodi; ki u u mesena, tambula-u, kuma uene ngó uala-bhu, kana-bhu uengi. Davidi uixi; Uenhó-phe ki uala mukuâ; ngi bhane-u.