I Samuuele 17:51 - O Mikanda Ikola

⁵¹ Davidi anga u lenga, hé u sambela mukua Fidíxia ku thandu, u fuomona o xibhata iê-muène mu kizu, u mu zubhidisa, hé u mu batula o mútue. Akua Fidíxia-phe kia mono kuma dizonda diâ diafu, a lenga.

I Samuuele 17:51 ပူးပေါင်းရင်းမြစ်များ

II Samuuele 23:21

U jibha ue mukua Ejito, kindanda muene, mukua Ijitu ua kuata sosa iê, muene anga u mu sanga ni mbangala; sosa-phe u i tambula kua mukua Igito, u mu jibha ni sosa iê muene,

II Samuuele 4:7

Kuma kia bokona mʼonzo a sange ua zeka bhu hama mu xilu, anga a mu toma, a mu jibha, hé a mu batula mútue, mútue uê a u ambata, ela njila ia honga ia Halaba, anga enda usuku uoso.

Estere 7:10

Kienhiki anga a nhenga Hamane ku mukambu ua iudika muene phala kunhenga Moledekai. O kia zubha ku ki bhanga, njinda ia muenexi ia sosoloka kiua.

Jihebeleu 11:34

A tumbulula o nguzu ia mulengu ua tubhia. A bhulaka ku a jibha ku mazu a xibhata, mu kubhuila a tambula nguzu. A bhanga undanda ku ita, anga a tolola o ifuẋi ia matumbu.

Jihebeleu 2:14

O ana-phe, kala kia exana muène, a kala athu a nomona ku xitu ni manhinga. Uila kiki, Jezú muène ua di bhange kala ene, mu kutambula o kidifuanganu kia muthu, phala mu kubhita ni kalunga a tene kutolola ió uoso ua kuata o nguzu ia kalunga, muène Diabhu.

I Samuuele 17:50

Kienʼiki Davidi kia lende o mukua Fidíxia, ni mbalafundu ni ditadi, anga u kuama mukua Fidíxia, u mu jibha. Davidi-phe ka kuatele xibhata bhu lukuaku luê.

I Samuuele 21:10

Davidi anga u zanguka, u lenga kizuua kienʼokio, mukonda dia uoma ua Saúlo, uia kua Akiji sobha ia Ngate,

I Samuuele 21:9

Nganga-phe, uixi: Mukuale ua Ngoliia mukua Fidíxia, ua mu jibhidile eie mu honga ia Elá, iu-ê-iú, uófute mu dituaia kuema dia efodi; ki u u mesena, tambula-u, kuma uene ngó uala-bhu, kana-bhu uengi. Davidi uixi; Uenhó-phe ki uala mukuâ; ngi bhane-u.

I Samuuele 31:9

Anga a mu batula mútue, a mu zula ibhakatu iê, a i tumikisa kʼoxi ia akua Fidíxia, mu kutula na-iu jingolokela ku inzo ia iteka iâ, ni ku mundu.