I Samuuele 17:50 - O Mikanda Ikola

⁵⁰ Kienʼiki Davidi kia lende o mukua Fidíxia, ni mbalafundu ni ditadi, anga u kuama mukua Fidíxia, u mu jibha. Davidi-phe ka kuatele xibhata bhu lukuaku luê.

I Samuuele 17:50 ပူးပေါင်းရင်းမြစ်များ

Afundixi 15:15

Anga u mona-bhu kifuba kia lunga nzuánzua lua bulu, u sunununa lukuaku hé u ki kuata, anga u jibha na-kiu midi ia muthu.

Afundixi 3:31

O kua muene ku kaiela Sangale monʼa Anati, hé u beta ku akua Fidíxia hâma jisamanu ja muthu ni ngiiada ia kukombuela jingombe; muene ue u bhulula Izalaiele.

I Samuuele 13:22

Mukonda dia kiki, kia bhiẋila bhu kizuua kia ita, ku mundu uoso ua mu kuenda ni Saúlo ki bhuala ngó muthu ua kuata mukuale mba sosa, kikale Saúlo muene ngó ni Jonata dia monʼê ene ngó a i kuata.

I Samuuele 17:39

Davidi anga u maneka xibhata ku thandu dia mbinza iii, anga u sota kuenda; mukonda ima iii ki ia mu ijidila luua, ua lémbua. Davidi anga u ambela Saúlo, uixi: Ki ngi tena kuenda ni imʼiii, mukonda ki ia ngʼijidila. Davidi anga u i zula.

I Samuuele 17:49

Davidi anga u ta lukuaku mu mbuenge iê; u katula-mu ditadi dimoxi, hé u di takula ni mbala-fundu, anga, di kuata mukua Fidíxia bhu dibhomo. Ditadi anga di bokona bhu dibhomo diê, kiiala hé u di bhala ni pholo bhoxi.

I Samuuele 17:51

Davidi anga u lenga, hé u sambela mukua Fidíxia ku thandu, u fuomona o xibhata iê-muène mu kizu, u mu zubhidisa, hé u mu batula o mútue. Akua Fidíxia-phe kia mono kuma dizonda diâ diafu, a lenga.

I Samuuele 19:5

Kuma muene muenhu uê ka u suu, kifua ua u ambatele bhu lukuaku, anga u jibha mukua Fidíxia, Jihova iu ua bhesa kikóue kia dikota kua Izalaiele; eie-muène ue u mbangi kuma ua ki muene, anga u kala mu sanguluka; eie ua mu edile: Tanaku! Kiki-phe u tela-hi kituxi kia kuzunza manhinga a kambe mulonga, hé Davidi u mu jibhʼê ngó sé kikuma?

I Samuuele 21:9

Nganga-phe, uixi: Mukuale ua Ngoliia mukua Fidíxia, ua mu jibhidile eie mu honga ia Elá, iu-ê-iú, uófute mu dituaia kuema dia efodi; ki u u mesena, tambula-u, kuma uene ngó uala-bhu, kana-bhu uengi. Davidi uixi; Uenhó-phe ki uala mukuâ; ngi bhane-u.

I Samuuele 23:21

Saúlo anga u a ambela, uixi: Jihova a mi benzele; kuma mua ngi kuatela henda.