I Samuuele 17:49 - O Mikanda Ikola

⁴⁹ Davidi anga u ta lukuaku mu mbuenge iê; u katula-mu ditadi dimoxi, hé u di takula ni mbala-fundu, anga, di kuata mukua Fidíxia bhu dibhomo. Ditadi anga di bokona bhu dibhomo diê, kiiala hé u di bhala ni pholo bhoxi.

I Samuuele 17:49 ပူးပေါင်းရင်းမြစ်များ

I Jisobha 22:34

Bhenhobho diiala dimoxi, unana honji iê, mu luelu diê, sè ku kʼijiia, anga u kuama sobha ia Izalaiele bhu kaẋi ka phonda ni ibhakatu. Bhenhobho muene uambela muendesi a dikalu diê, uixi: Bilula lukuaku lué, u vutule dikalu kuema, nda u ngi katule mu kifuẋi, mbata a ngi kuama kiaiibha.

II Jisobha 9:24

Maji o Jehu-phe, u nana o mufula uê ni nguzu ioso, uasa Jolá bhu maku aiadi, o musongo hé u mu bhita mu phumbulu, anga u di bhalela mu dikalu diê.

I Samuuele 17:48

Bhenhobho anga ki bhita kuila, kia zanguka mukua Fidíxia mu kuia kubhiẋila kua Davidi, Davidi ue u lenga mu kuia ku kilômbo kia jinguma mu kutakana ni mukua Fidíxia.

I Samuuele 17:50

Kienʼiki Davidi kia lende o mukua Fidíxia, ni mbalafundu ni ditadi, anga u kuama mukua Fidíxia, u mu jibha. Davidi-phe ka kuatele xibhata bhu lukuaku luê.

I Samuuele 19:5

Kuma muene muenhu uê ka u suu, kifua ua u ambatele bhu lukuaku, anga u jibha mukua Fidíxia, Jihova iu ua bhesa kikóue kia dikota kua Izalaiele; eie-muène ue u mbangi kuma ua ki muene, anga u kala mu sanguluka; eie ua mu edile: Tanaku! Kiki-phe u tela-hi kituxi kia kuzunza manhinga a kambe mulonga, hé Davidi u mu jibhʼê ngó sé kikuma?