I Samuuele 17:46 - O Mikanda Ikola

⁴⁶ Lelu muene Jihova ua-nda ku kubhakula bhu lukuaku luami; ngi ku nemeka, ngi ku batula mútue; o imbi-phe ia kifuẋi kia akua Fidíxia ngi i bhana lelu ku jinjila ji bhita bhulu ni iama ia mukáu, phala mu ngongo ioso a kʼiji-ie kuma sai-ku Nzambi mua Izalaiele.

I Samuuele 17:46 ပူးပေါင်းရင်းမြစ်များ

Dimatekenu 40:19

Bhua kà bhitila izuua itatu, Falaó ua-nda ku katula o mútue ku mukutu, u ku nienga mu muẋi, o xitu ié anga i diua ku jinjila.

II Samuuele 18:28

Ahimaaze kia bhixila anga u kola, u ambela muenexi, uixi: Kuala kiambote! Anga u bhetama bhu pholo ia muenexi, u tula pholo mu mavu, uixi: A tane-ku! Jihova Nzambi ié, ua tu bhakuila o mala a zengele lukuaku luâ mu ku ku bhanga kiaiibha, eie kùku, ngana iami.

II Samuuele 21:10

Dízipa monʼa Aiia ua muhatu, anga u kuata kidinhaji hé u iudika nakiu kididi kiê bhu ndánji, tunde bhu kumatekena kumuna, katé bhu kisonaxi kia a sonokena o menha ma mvula i tunda mu diulu ku thandu diâ, kehela jinjíla ji bhita bhulu kutula ku imbi iá mu muanha, né iama ia iangu mu usuku.

I Jisobha 8:43

eie-phe ívua ku maúluʼoko, ku ua tunga, anga u bhanga ioso ia ku bhingi o ngenji, sembele madiembu oso mu ngongo ejiie o dijina dié, nda a ku kuatele uoma kala o kifuxi kié kia Izalaiele, anga ejiia kuila o dijina dié ene ku di tumbuila ku inzo iii i nga tungu.

I Jisobha 8:60

Sembele o madiembu oso mu ngongo ejiie kuma Jihova muene ngó Nzambi, kana-ku dingi uengi.

II Jisobha 19:19

O kiki-phe eie u Jihova Nzambi ietu, tu kudile bhu maku mê; nda mautuminu moso Kulu dia mundu a kʼijiie kuila, u Jihova eie ngó u Nzambi ia Kidi.

II Jisobha 5:15

Bheneʼobho u vutuka kua muthu ua Nzambi, ni muene ni oso a kexile mu kuenda-nâ, hé uiza, uimana bhu pholo iê, uixi: Tala, nga kʼijiia kiá kuila mungongo ioso kana-mu Nzambi, kikale ngó mua Izalaiele, kuabhu! O kindala-phe, nga ku diondo, tambula ujitu kua mubhikʼé.

Jisálamu 31:8

Kua xikina ku ngi bhakula bhu maku a nguma; uemika inama iami bhu kididi kia zanze.

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Makatukilu 9:16

maji-phe kiene ki nga ku bhakela ku muenhu, phala ku ku idikiza kutena kuami, mbé o dijina diami di fumane mu ngongo ioso.

Izaía 37:20

Ki tualʼiki-phe, eie u Jihova, Nzambi ietu, tata, tu kudile ni lukuaku luê; phala mautuminu moso mu ngongo a kʼijiie kuma eiemuene ngó u Ngana.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 56:9

Enu mu iama ioso ia mukáu, nʼenu mu iama ku muxitu, izenu mu die.

Jelemiia 19:7

Kuma o kaiula ka Juda ni ka Jeluzaleme hinu ngi ka bhuisa-ku bhu kididi kiki; anga ngi a laukisa ku xibhata bhu pholo ia jinguma jâ, ni bhu lukuaku lua ió oso a mu sota ku a katula o mienhu iâ; anga iimbi iâ ngi i bhakuila jinjila ji bhita bhulu ni iama ienda bhoxi.

Jelemiia 34:20

ngi ki tanga muene, kuila nga-nda ku a bhakula bhu maku ma jinguma, ni bhu maku ma iá a mu a sotela kalunga kâ, o imbi iâ ia kà kituka kúdia kua njila ja diulu ni iama ia mukáu.

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Daniiele 3:29

Eme-phe ngi xikisa kiá ngonge, kuila, ku miji ioso-lolo, ni ifuẋi ni madimi, uoso u ẋongùena Nzambi ia Sadalake, ni Mizake, ni Abede-neko, a mu batujule ku iẋimbu-iẋimbu, o diembu diê a di bhange dixita dia uthôkua; mbata kana-ku Nzambi iengi u tena kukudila kala Iú.

Matesu 24:28

Bhuoso bhu kala o kisasu bhene bhu bhongoloka o jiholokoko.

Matendelelu 28:26

Bhuoso bhu ua kà fuila o kimbi kié kikale kúdia kua jinjila ja diulu ni iama ia mukáu mungongo, ki bhua kàla muthu u ji sasumuisa.

Matendelelu 7:2

Anga Jihova Nzambi ié u ku bhakuila-u phala ku a jibha, eie-phe buikisa-u muene, ene oso; kana kuta-nâ kikutu kia ukamba, kana ue ku a kuatela henda;

Matendelelu 7:23

Maji o ifuẋi ioso iii Jihova ua-nda ku ku bhakuila-iu, anga u i sengulula katé ia jimi o mbutu.

Josuué 10:8

Jihova anga u ambela Josuué: Kana ngó ku a kuatela uoma, mbata nga ku bhakuila-u bhu lukuaku lué; ki bhuala muthu ua-nda ku di fikidila bhu uatula eie.

Josuué 4:24

mbé ifuẋi ioso mu ngongo ejiie kuma lukuaku lua Jihova lu kôla; enu uenu ni mu kale ni uoma ua Jihova, izúua ioso, katé ku hádia ni hádia.

I Samuuele 14:6

Jonata anga u ambela kibese kiê kia mu mu ambatela o ibhakatu ia ita, uixi: Ndoko, tuie ku sámbua bhu poxto ia akua mabôlo enhá, amoxi Jihova u kalakala mu ku tu kudila; kuma Jihova ki bhuala ki mu fudisa kubhulula mundu uê ni athu avulu mba kubhulula mundu uê ni athu atolo.

I Samuuele 17:44

Mukua Fidíxia anga u ambela Davidi, uixi: Ngi bhiẋile bhabha, lelu xitu ié ngi i bhana jinjila ji bhita bhulu, ni iama ia mukau.