I Samuuele 17:45 - O Mikanda Ikola

⁴⁵ Davidi bhenhobho u ambela mukua Fidíxia, uixi: Eie ua-lu ngi bhixila ni mukuale ué, ni sosa, ni ngubu; eme-phe ngi ku bhixila mu dijina dia Jihova dia ifuẋi, Nzambi ia kilômbo kia Izalaiele, ió ua mu lokalala eie ni ku mu lebhula.

I Samuuele 17:45 ပူးပေါင်းရင်းမြစ်များ

II Malunda 14:10

Bheneʼobho Aza ue anga u tunda mu kutakana-nê; anga ita a i kuatela mu dikôlo dia Zefata, bhua zukama ni Malesa.

II Malunda 32:8

Muene uala ni lukuaku lua xitu, etu-phe tuala-nê, muene Jihova, Nzambi ietu, phala o ku tu kuatekesa ni ku tu luila o ita ietu. O mundu anga a tululuka kievu maka ma Ezekiia, sobha ia Juda.

Jisálamu 124:8

Kubhanduluka kuetu kuala mu dijina dia Jihova, muene ua tena kubhanga o diulu ni ixi.

Jisálamu 18:2

Jihova muene ditadi diami dia kipena, muene mbonge iami ia ku di kondela, kilolo kia ku ngi kudila; muene Nzambi iami, mbonge iami, nga dielela kua muene; muene ngubu iami, lumbinga lu ngi bhângela, ditala diami dia di leka.

Jisálamu 20:8

Ene a bulukuta, a dibhale; etu-phe tua bhetuka, tuemana nzanza.

Jisálamu 3:8

Kubhuluka ku tunda kua Jihova; o ku thandu dia mundu uê ku kale dibesá. (Selah.)

Jisálamu 44:6

Uta uami ua mufula ki uene u ngi dielela, o xibhata iami ki iene i ngi bhana o muenhu.

Jisabhu 18:10

Dijina dia Jihova mukua ni mbonge ia matala ia di jikidila; muthu uoso ua iuka, kuene kua lengela, anga a mu bhaka kididi kia kondama.

Izaía 37:23

Eie mukuahi ua mu lebhula, ua xingi nanhi? Ua mu mu handekela kiókio ni mesu bhulu, nanhi muene? Muenhó, Lemba dia Izalaiele.

Izaía 37:28

Eme-phe nga ku ijiia ni uxikamenu ué, ni utundilu ué, ni Ubokuenu ué, ni njinda ioso i ua ngi kuatela.

II Kolindo 10:4

O mata metu ma ita ki ma tokala mu ngongʼumu, maji mata ma nguzu ni kutena kua Nzambi ma tena kubula o imbaka. Tu lundumuna ikutu ia makutu,

II Kolindo 3:5

Ku ubheka uetu, momuetu etuène kana-mu kima ki tu bhekesa kuzuela kuila tua tena kikalakaluʼiki. Mukonda o kutena ku tuala na-ku tunda kua Nzambi.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

I Samuuele 17:10

Mukua Fidíxia muenhú anga u zuela dingi, uixi: Nga lebhula lelu a kilômbo kia Izalaiele, nga mi luisa kaẋu, ngi bhienu diiala ngi bhânga-nê.

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?

I Samuuele 17:36

Eme ngi mubhikʼé, kienhiki ki nga jibha o hoji ni úlusu; kiiala kiki-phe kia mukua-dibôlo ku Fidíxia, kiene ue ki ngi mu bhanga; mukonda muene ua lebhula kilômbo kia Nzambi ia muenhu,

I Samuuele 17:6

Mu inama u zuata jixapa ja ngôndo, ngubu ia ngôndo iene ia di xitila na-iu isuxi.