I Samuuele 17:4 - O Mikanda Ikola

⁴ Bhu kibangu kia akua Fidíxia anga bhu tunda dizonda, dijina diê Ngoliia mukua Ngate; muenhú o kitala kiê kóvado jisamanu ni phalumu imoxi.

I Samuuele 17:4 ပူးပေါင်းရင်းမြစ်များ

I Malunda 11:23

Ua jibha ue muthu mukua Ijitu, diiala dia kitala kia lebha, kia kóvadu jitatu, o mukua Ijitu uambatele ngumba bhu lukuaku luê, mukua ni muxi ua lunzalu lua mulongo ua mutungi-a-thanga; maji muene ua tuluka iu ua mu kitukila ni mbangala, iu ua tambula o ngumba bhu lukuaku lua mukua Ijitu anga u mu jibha ni ngumba iê-muene.

Amoji 2:9

Sumbala kiene, eme o mamodi nga a jikinisa bhu pholo iâ ene, athu a bhingile o kulebha mukuâ ni muẋi ua musédulu ua Libano, o ku nguzu mukuâ ni mukaluvádiu; maji-phe, o ibundu iê ku thandu nga i jimisa, ni jindanji jê bhoxi.

Matendelelu 3:11

(Mukonda ku mazonda a xahulu, ua subhukile-ku ngó Hoke, sobha ia Basane; talesa o hama iê, hama ia felu; abha ki i ié hanji mu Labate dia anʼa Amone? Kulebha kuê dívua dia kóvadu, o kuzanza kuê kóvadu jiuana, mu midila ia kóvadu ia diiala.)

Josuué 11:22

Katé mu ixi ia anʼa Izalaiele ki mua subhukile kilebha, mukuá Anake, né ngó umoxi; a subhukile ngó mu Ngaza, ni mu Ngate ni mu Ajindode.

I Samuuele 17:23

Davidi kioso-phe kiala kuzuela ni phange jê, talesa, o dizonda dia mukua Fidíxia bhu Ngate, dijina diê Ngoliia, u tukuluka, ua tundu ku kilômbo kia akua Fidíxia, anga u zuela kala kiene mu kuzuela kiá. Davidi anga u mu ivua.

I Samuuele 17:3

Aku Fidíxia anga emana ku mulundu ku sámbua dimoxi, akua Izalaiele emana uâ ku mulundu ku sámbua diamukuá, mu kaẋi mua bhiti honga.

I Samuuele 17:5

Ku mútue ua zuata kapasete ka ngôndo iólunge ni utadi uengi, mu mukutu u zuata mbinza ia utadi, ua di sokejeka kala ibhela ia mbiji; mbinza ienhiʼii i pezala midi jitatu ja xikulu ja ngôndo.

I Samuuele 27:4

Anga a ki tangela Saúlo kuila Davidi ua lengela ku Ngate; muene anga u zumbuka o ku mu sota.