I Samuuele 17:37 - O Mikanda Ikola

³⁷ Davidi, uixi dingi: O Jihova ua ngi kudila ku iala ia hoji, ni ku iala ia úlusu, muene ue u ngi kudila bhu maku ma mukua Fidíxia iú. Saúlu anga u ambela Davidi, uixi: Kuabhu! Ndeie, Jihova muene a ku bande.

I Samuuele 17:37 ပူးပေါင်းရင်းမြစ်များ

II Samuuele 10:12

Tu kodienu maku ni mixima, tu bhange undanda mu bhângela o mundu uetu ni mabhata ma Nzambi ietu; o Jihova a tu bhange kioso muene kia mu uabhela ku mesu mê.

I Malunda 22:11

Kala kiki-phe, monʼami, Jihova akale ni eie; u laie, ukale ni kuzediua, nda u tunge o inzo ia Jihova, Nzambi ié, kala muene kia ku tange-kiu.

I Malunda 22:16

O ku ulu, ni phalata, ni kobidi ni felu, ni imʼii iala nzungule, kana-ku dialuilu diê; eie balumuka-phe u bhange o kikalakalu, o Ngana Nzambi akale ni eie.

Jisálamu 11:1

Kua Jihova kuene ku nga lengela! Enu-phe muala ku ngʼila kiebhi, tuka lusolo kala kanjila, uà kale ku milundu kuná?

Jisálamu 118:6

Jihova uala bhu mbandu iami, ki ngi kala dingi ni uóma; hé kima, muthu u ngi bhanga-hi?

Jisálamu 138:3

Kizuua ki nga dikola, eie uetaia kiá; ua ngi bhana dingi huii ku muẋima moxi.

Jisálamu 63:7

Mbata eie-muène u dikuatekesu diami, o mu kilembeketa kia mabhabha mé, muene mu ngi suamena, anga ngi kala mu kuimba mimbu ia ngalasa.

Jisálamu 77:11

Ngi tanga o iphata ia bhanga jinga Jihova; ngi kuata ku madiuanu mé ma xahulu.

Daniiele 3:17

Talesa-ze, kuma Nzambi ietu, uoso tuene ku mu bhikila, muéne utena ku tu kudila; o ki tualʼiki muene ua-nda ku tu kudila ku kijiku kia túbhia tuê tua muzukuta, anga u tu tambula ue bhu lukuaku lué, eie u sobha.

Josuué 1:17

Kioso ki tua kexi kuívua Mozé mu ima ioso, kiene ki tu kuívua ue eie; kabasa Jihova Nzambi ié u kala kumoxi ni eie, kala kia kexi kumoxi ni Mozé.

Lute 2:4

Bhenhobho-phe Bouaji u tunda mu Beleme, anga uiza ku menekena o jingunza jala kumuna, uixi: Ngana a mi kuatekese. Ene ue a mu kumbulula, exi: Eie ue Ngana a ku bhane dibesá.

I Samuuele 17:36

Eme ngi mubhikʼé, kienhiki ki nga jibha o hoji ni úlusu; kiiala kiki-phe kia mukua-dibôlo ku Fidíxia, kiene ue ki ngi mu bhanga; mukonda muene ua lebhula kilômbo kia Nzambi ia muenhu,

I Samuuele 17:38

Saúlo anga u zuika Davidi ibakatu iê, u mu ta kapasete ka ngôndo ku mútue, u mu ta mbinza ia ibhela ia utadi.

I Samuuele 20:13

Jihova-phe a ki bhange kua Jónata, a mu tele-ku dingi, se ngi mona tatʼetu ua mesena ku ku bhanga phulu, eme anga ngi kamba ku kuʼijidisa-kiu ni ku ku xinjikila phala eie nʼuié ni ku tululuka; Jihova-ze a kale ni eie, kala kia kexile ni tatʼetu.

I Samuuele 24:19

Mukonda muthu kuxi ua kuata kiá nguma iê, anga u mu eha ngó nʼaie? Jihova a ku fute ni mbote, ku ioso i ua ngi bhange eie lelu.

I Samuuele 26:25

Saúlo anga u ambela Davidi, uixi: Diebhe-diebhe, monʼami Davidi! Mu kubhânga, u dizonda, mu ku lenda ki bhuala u tena ku ku fudisa! Kienhiki Davidi u ila njila iê, Saúlu anga u vutuka ku bhata.

I Samuuele 7:12

Samuuele anga u katula ditadi u dʼimika bhu kaẋi ka Mixipa ni Sene, anga u di luka dijina dia Ebenezele, kífua uixi: Katé bhu tuezʼabha, Jihova muene ua tu kuatekesa.