I Samuuele 17:36 - O Mikanda Ikola

³⁶ Eme ngi mubhikʼé, kienhiki ki nga jibha o hoji ni úlusu; kiiala kiki-phe kia mukua-dibôlo ku Fidíxia, kiene ue ki ngi mu bhanga; mukonda muene ua lebhula kilômbo kia Nzambi ia muenhu,

I Samuuele 17:36 ပူးပေါင်းရင်းမြစ်များ

II Malunda 32:17

Sinakedibhe ua soneka ue ni mikanda ia kuẋonguena Jihova, Nzambi ia Izalaiele, ni ku mu zuela muene kia ibha, uixi: Mukuâ ni kia lémbua o jinzambi ja miji iengi, mu akua jixi joso, o ku kudila o ifuẋi iâ bhu maku mami, kiene kimoxi ue o Nzambi ia Ezekiia ka-ndu tena kubhulula o mundu uê bhu lukuaku luami.

Izaía 10:15

Kifua dikuua di ta nzabala kua ió ua di kuata bhu maku mu koka muxi? Inga o sela i di thatha kua ió u batula na-iu? Mbé o mbangala i nhikisa oso a i kuata, inga o mbasá i balumunʼé o lukuaku lua ió uala na-iu?

Izaía 36:15

Kana ue ku mi longesa kuala Ezekiia kudielela kua Jihova, kuamba: Ki bhuala phata, Jihova ua-nda ku tu kudila muene, o diembu-phe didi ka-nda ku di bhakula bhu maku ma sobha ia Asídia.

Izaía 36:18

Ezekiia ka mi tobhese, ni kuila: Jihova ua-nda ku tu bhulula. Manhi o jinzambi ja ifuẋi ja bhuluile kiá oxi imoxi ku maku ma sobha ia Asídia?

Izekiiele 28:10

Ua kà fua kalunga ka akua mabôlo, bhu lukuaku lua iiala iengi; mbata eme nga ki zuela, kiene kiambe Jihova Nzambi.

Izekiiele 32:19

Eie, o ua mu tundu mu kuuabha, nanhi? Tuluka, nda u zeke kumoxi ni akua mabôlo.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Zakadiia 12:3

Kizuuʼokio Jeluzaleme nga kà mu bhanga ditadi dia neme phala miji ioso; oso a kà di zangula, dia kà sasujula; miji ioso mu ngongo ia kà di bhongolola mu ku mu bilukila.

Zakadiia 2:8

Mukonda o Jihova dia Ifuẋi, uambe kiki: Phala muene a tambule o fuma, ua ngi tumikisa kua akua jixi a mi bhundu imbamba ienu; mukonda uoso u mi kuata enu, ua kuata mu mona uê-muène ua diesu.

I Samuuele 14:6

Jonata anga u ambela kibese kiê kia mu mu ambatela o ibhakatu ia ita, uixi: Ndoko, tuie ku sámbua bhu poxto ia akua mabôlo enhá, amoxi Jihova u kalakala mu ku tu kudila; kuma Jihova ki bhuala ki mu fudisa kubhulula mundu uê ni athu avulu mba kubhulula mundu uê ni athu atolo.

I Samuuele 17:10

Mukua Fidíxia muenhú anga u zuela dingi, uixi: Nga lebhula lelu a kilômbo kia Izalaiele, nga mi luisa kaẋu, ngi bhienu diiala ngi bhânga-nê.

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?

I Samuuele 17:35

anga ngi i kaia, ngi i beta, ngi ka tambula mu kanu diê; o kia ngi lungulukila kuala o kiama, ngi ki kuata mu muezu, ngi ki ẋuua dikanu, ngi ki jibha.

I Samuuele 17:37

Davidi, uixi dingi: O Jihova ua ngi kudila ku iala ia hoji, ni ku iala ia úlusu, muene ue u ngi kudila bhu maku ma mukua Fidíxia iú. Saúlu anga u ambela Davidi, uixi: Kuabhu! Ndeie, Jihova muene a ku bande.

I Samuuele 18:17

Saúlo anga u ambela Davidi, uixi: Eie-ze, monʼami ua muhatu, Melabe o dikota, ngi ku bhana-nê mu kusakana, kabasa ua kolokota ngó ni uzonda ua ku ngi bhângela, mu kúlua ita ia Jihova. Kuma Saúlo uambe ku muẋima uê, uixi: Lukuaku luami ki lu mu tule, mukonda o ku mu jibha eme, ki ki uabha; kota a fuile ku lukuaku lua akua Fidíxia.

I Samuuele 31:4

Saúlu anga u ambela kibese kiê, uixi: Fomona xibhata u ngi tome-iu u ngi kube-iu mu mixima; sumba akuamabôlo enhá eza, a ngi zubhidisa, a ngi bhanga kasekelelu. Kibese kiê-phe nguaiʼê ku ki bhanga, kuma uala ni uoma uavulu. Mukonda dia kiki, Saúlu muene u sunga o xibhata u di kuba ku pondo iê.