I Samuuele 17:34 - O Mikanda Ikola

³⁴ Davidi anga u ambela Saúlu, uixi: Eme ngi mubhikʼé, nga kexile mù kuinga jimbudi ia tatʼetu, anga bhuiza hoji ni úlusu hé i kuata kambudi mu kilunga,

I Samuuele 17:34 ပူးပေါင်းရင်းမြစ်များ

Dimatekenu 31:39

Ia kuaẋiua ku iama ki ngi ku bhekela na-iu; ia bhiti ku konda iami; o iònhane ue mu muanha mba iònhane mu usuku, eie ua ngi futisa-iu.

II Samuuele 17:8

Husai anga u ta-ku, uixi: Tatʼenu ua mu ijiia kuma muene ni makuenze mê ene oso mazonda, o kialʼiki-phe a thathamana, mukuâ ni mama ia kitôto mu mukáu a mu nhana o tuana tuê; tatʼenu diiala dia ita, ka xikina kutula mu kuzeka kumoxi ni mundu.

II Samuuele 23:20

Benaia ue, monʼa Jehoiada, monʼa dizonda mukua Kabazele, ua bhangele jinge ima ia undanda, muene u jibha malʼaiadi anʼa Adiiele, ku Mouabe; u tuluka ue mu dikungu mua di bhalela o hoji, u i jibhila momo, mu thembu ia neve.

I Malunda 11:22

Benaia ue, mona a Joiada, uakexile diiala dia dizonda mu kúlua ni mu ikalakalu iê, uatokalele ku Kabazele; muene hé ujibha mala kiiadi mukuá ni jihoji ja suína, o ana kiiadi a Diiele mukua Mouabhe, hé u kulumuka ue anga u jibha hoji imoxi mu dikungu bhu thembu ia mbambi, kuala o neve.

Jisálamu 143:5

Ngi lembalala o izuua ia xahulu, ngi xinganeka o ima i ua bhanga jinga; ngi banza o ufunu ua maku mé.

Izekiiele 34:12

Mukuâ ni mubidi kia kenga o kilunga kiê, bhu kizuua muene kia kala muʼaxaxi ka jimbudi jê ja di muange, kiene ue eme ki nga-nda kukenga o jimbudi jami; anga ngi ji takana mu ididi ioso mu ja di muangena, bhu kizuua kia dituta ni kia kitombe.

Amoji 3:12

Jihova uambe kiki: Mukua ni mubidi ki a tambula inama iiadi ia kibhaku mu kanu dia hoji mba kathumba ka dítui, kiene ue Jihova kia kà bhulula anʼa Izalaiele a tungu mu Samádia; u a tambuila muene ku mizumbu ia muanza mba ku mikambu ia hama.

Zakadiia 11:16

Mukonda ku mundu nganda kubalumuina-ku mubidi u bhinga kuila ka lange mbudi ja mu fua, o ia jimbidila muene kaii mu ku i sota, o ia kate muene u iehelela kienhókio, o mbudi ia disanze ue muene kà xikina ku inga; maji o xitu ia nete muene u dia, katé ni ikoto u i ẋomona.

Zakadiia 9:7

O manhinga ma jisata ja iteka nga kà a katula mu kanu dia enhâ, ni kubhanga isunji iaíibha ngi ku katula ku mazu mâ; bheneʼobho muene ue ua kà xala kala kisubhuke, kia subhuka phala Nzambi ietu; ua kà di bhanga kiá mukua dijiku dia Juda, o Ekolone uà kela kiá kala Jebuzeu.

Luka 2:8

Ku jimbandu kuenhʼoko anga ku kala abidi a jimbudi, a xala mu mukáu, mù langa o ilunga iâ ni usuku.

Nzuá 10:11

Eme ngi mubidi uambote. O mubidi uambote, u bhana o muenhu uê bhu kididi kia jimbudi jê.

Loma 5:4

o kukolokota ku bhekela ku tu lungisa kua Nzambi; o ku tu lungisa ku bhekela kudielela.

Jihebeleu 11:33

Athu edile mu kuxikana kuâ, a tolola ilômbo ia muvimba. A iukisa milonga, hé a tambula o jipolomesa ja Nzambi. A xita o makanu ma jihoji.

Dijingunuinu 13:2

Kiama ki nga mono, kidifua kiê kala ongo, o inama iê kala kitôto, o dikanu diê kala dikanu dia hoji. O mudikixi muène ua bhana o kiamʼiki o kutena kuê, ni kiandu kiê, ni ungana uavulu.

Afundixi 14:6

Nzumbi ia Jihova anga iza ni nguzu kua Sansau, u di takuila ku hoje anga u i kuata, u i sauna kala monʼa hombo a mu kuata; o bhu maku-phe muene ka kuata kima, uala ngó maku a hatu. O kia bhange-phe kiki, ka ki tangela ue tatʼâ mba mamʼâ.

I Samuuele 17:15

Davidi anga u kala mu kuila, hinu u kala kua Saúlo, hinu u kala ku bhata mu kuinga jimbudi ja tatʼâ mu Beleme.

I Samuuele 17:33

Saúlo anga u ambela Davidi, uixi: Eie ku tena kuia kutakana ni mukua Fidíxia iú, mu kubhànga-nê, kuma eie u mona-ndenge hanji, muene-phe diiala dia ita tunde undenge uê.

I Samuuele 17:35

anga ngi i kaia, ngi i beta, ngi ka tambula mu kanu diê; o kia ngi lungulukila kuala o kiama, ngi ki kuata mu muezu, ngi ki ẋuua dikanu, ngi ki jibha.