I Samuuele 17:11 - O Mikanda Ikola

¹¹ Saúlophe ni Izalaiele ioso, ki evu kia zuela mukua Fidíxia iú, a diuana, a kala ni uoma uavulu.

I Samuuele 17:11 ပူးပေါင်းရင်းမြစ်များ

Jisálamu 118:6

Jihova uala bhu mbandu iami, ki ngi kala dingi ni uóma; hé kima, muthu u ngi bhanga-hi?

Jisálamu 27:1

Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisabhu 28:1

Isuéia a di ta ku lusolo, nè-mbe ua a landemeka ka moneka; maji o athu oso a iuka-phe, a di fikidila kala hoje ia munzangala.

Izaía 57:11

Mukuahi ua ku kuatele uôma mba hele? Kia ku bhekela ku-ta o makutu, nʼukambe ku ngi lembalala, né ngó ku ngi ta mu muẋima ué? O kudixibha kuami tundé okulu, kiene-ze ki ua kambela ku ngi xila, ki kiene?

Matendelelu 31:8

Jihova muene ua-nda ku ku tuamenena ku pholo, muene ua-nda ku ku banda; muene ka-nda ku ku xa, kana; ka-nda ku ku ehelela. Kana kukala-phe ni uoma, mba u kala ni hele.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

I Samuuele 13:7

Jihebeleu jamukuá ja zaúka ku sámbua dia Njolodá kʼoxi ia Ngade ni Ngiliiade. Saúlo-phe hanji uala bhu Jidingale, mundu uoso anga u mu kaiela ni kuteketa mukonda dia uoma.

I Samuuele 17:10

Mukua Fidíxia muenhú anga u zuela dingi, uixi: Nga lebhula lelu a kilômbo kia Izalaiele, nga mi luisa kaẋu, ngi bhienu diiala ngi bhânga-nê.

I Samuuele 17:12

Davidi-phe monʼa mukua Efalata mu Beleme ku Juda, dijina diê Jese; muenʼiu anga u kala ni nake dia ana a mala; muadiakimi kiá mu izuua ia Saúlo, ua kuka kiá muene muʼaxaxi ka athu.

I Samuuele 21:13

Anga u bilula kífua kiê bhu pholo iâ, u di bhanga kala dilaji bhu maku mâ, u aza ku mabhitu a kimbaka, u di zezela mathe ku muezu.

I Samuuele 7:7

Akua Fidíxia-phe ki evu kuila anʼa Izalaiele a bhongolokela bhu Mixipa, jisobha ja akua Fidíxia ji tunda mu kúlua ni Izalaiele. Anʼa Izalaiele kia kʼivu a kala ni uoma ua akua Fidíxia.