I Samuuele 16:7 - O Mikanda Ikola

⁷ Jihova-phe u ambela Samuuele, uixi: Kana kutala o pholo iê, mba o kitala kiê kialebha, mukonda eme nga mu ditunu. Kuma Jihova kene kutala kala ki tala o muthu; mbata o muthu u tala kidifua kia kanga, Jihova-phe u tala ku muẋma.

I Samuuele 16:7 ပူးပေါင်းရင်းမြစ်များ

Dimatekenu 4:5

Kaini-phe, ni ujitu uê, ka mu suu. Kaini anga njinda i mu kuata, u sonoka o pholo.

II Samuuele 14:25

Mu Izalaiele ioso-phe, ki bhuala muthu a mu ximana o kuiuka kua kuuabha o mukutu ni pholo kala Abisalone; ubhinga athu oso kia mu tala, ela kala adiuana! Tunde bhu dikanda diê dia kinama, katé bhu thala ia mútue, ka moneka ngó kisemu.

II Samuuele 7:20

Eme-phe ngi Davidi, ngi zuela dingi kiebhi ko kué? kuma eie ua ngʼijiia ngi mubhikʼé, Ngana iami, Jihova!

I Jisobha 8:39

eie-phe ivua ku mauluʼoko, ku ua xikama mu kibuta kié, anga u loloka, hé u bhanga kioso kia fuama anga muthu ni muthu u mu bhana kioso kia tokala o jinjila jê joso, oko eie ua ejiia o mixima mukonda eie, eie ngó uejiia o mixima ioso ia anʼathu.

I Malunda 17:18

Davidi u kuambela dingi kima kiahi kiamukuá, bhu kaẋi ni ujitu kala iú u uabhange kua selevende ié? Kuma Eie-phe, Ngana, selevende ié ua muijiia muene kiambote.

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

II Malunda 6:30

kuabhu-phe, eie ívua kiá tunde ku maúlu, ku kibuta kia dibhata dié, u loloke, muthu ni muthu u mu bhane kia fuama mu njila jê joso, kala kiá ki uejiia o muẋima uê (kuma eie, eiemuene ngó, ubhekelèle ué, uejiia o muẋima ua anʼathu).

Jobe 10:4

Eie, mbé uala ni mesu a xitu? Manhi eie u mona kala ki mona o muthu?

Jobe 35:5

Tala ku diulu, u mone; tongolola o matuta a di leka kinéne, a beta ku di leka eie ndenge.

Jisálamu 139:2

Ua ngʼijila ni kuxikama kuami ni kubalumuka, o ilunji iami ni mu kanga muná ia ku jimbulukila kiá.

Jisálamu 7:9

Mukua phulu, Ngana, mu lembuese o phulu iê; maji mukua kidi-phe mu kuatese bhu kididi, a tunge a some; mukonda eie u Nzambi ia kidi, u mukua kutungula o ilunji ni mixima.

Jisabhu 15:11

Se ni ditungilu dia madifundu ni dibuikilu, kiiadi kiâene bhu pholo ia Jihova, kuambe dingi o miẋima ia anʼ athu?

Jisabhu 16:2

Muthu kia tala o jinjila jê joso, uila ja zele muene; maji o Jihova-phe, muene mukua kuzonga miẋima bhu longa dia pezu.

Jisabhu 24:12

O ki uila uixi: Manhì diâ! manhi ió mukua kutala o miẋima, kanda ku ki bhanga konda? Ió mukua kulonda o muenhu ué, ka-nda ku kʼijiia? manhi muene muthu kioso ki a bhanga ki kiene kia mu vutuila?

Jisabhu 31:30

Kisangu-sangu ki nganala o muthu, o kuuabha ue kua mukutu kingoho; maji o muhatu-phe u kala ni uoma ua Jihova, ió muene a mu ximana.

Jelemiia 11:20

Maji Jihova dia Uombo Ieta, u Mufundixi Uaiuka, uene kutungula o ilunji ni miẋima, tamanu ngi mona o phonzo ié ku thandu diâ; nga ku bhakuila-phe o milonga iami.

Jelemiia 17:10

Eme ngi Jihova eme ngi solokota o muẋima, eme ngi tungula o ilunji; ngi ki bhangela-phe kumona o futu ia tokala kubhana kala muthu kia fuama ku mauendelu mê, ni kia fuama ku ibundu ia ibhangelu iê.

Jelemiia 20:12

Eie-phe, Jihova dia Ilombo Ieta, o muthu ua iuka uene ku mu lola, hé u mona o ilunji ni muẋima: tamanu ngi mona o phonzo ié, i ua-nda ku a vutuila, ku thandu diâ; nga ku bhakuila-phe o mulonga uami.

Luka 16:15

Jezú-phe anga ua ambela, uixi: Enuenu mu akua kudiuabhesa bhu pholo ia athu, Nzambi-phe ua mijiia o miẋima. Kuma sai ni kima a ki ximana mu ʼaxaxe ka athu, kua Nzambi-phe ufusa.

Nzuá 7:24

Kana kubatula jinga maka kala ki mua fika, inda mu batula mu kidi.

Nzuá 8:15

Enu mu fundisa mu phangu ia muthu mu xitu. Maji eme ki ngi fundisa muthu.

Jipoxolo 1:24

Anga a samba, exi: Eie Ngana, uejiia miẋima ia athu oso, idikiza ku kiiadʼ iki, uoso eie ua mu solo,

II Kolindo 10:10

Iâ amba exi: O mikanda ia Phaulu ia neme, ia nguzu. Maji o kia kala ni etu mukua uôma, o maka mé ma kuata usudi.

II Kolindo 10:7

Enu o ima mu i kaiela ngó o kidifua kia pholo. Muthu-phe se ua di fiiala ku kala mukua Kristu, a xinganeke ngó kienʼiki, kuma kioso kia soko muène ku kala mua Kristu, etu uetu kiene.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

I Phetele 2:4

Zenu-phe kua Ngana, o ditadi dia muenhu, diotende kidi ku athu, maji o kua Nzambi-phe diosole, dia ujitu.

I Phetele 3:4

Ku kale-phe kukemba kua muthu ua suama moxi, kuene o kuzuata ki ku kasana dingi, kua kubelesela ni kutululuka kua muẋima, kua te kiavulu bhu pholo ia Nzambi.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.

I Samuuele 2:3

Kana kuvudisa dingi kuzuela kuenu kua ukumbu, ki mu tunde dingi ima ia izala mu kanu dienu, kuma Jihova muene Nzambi ia unjimu ni kuijiia, ima i bhanga athu Muene uene ku i pezala ku dipezalelu

I Samuuele 9:2

Muenhú anga u kala ni monʼê ua diiala, dijina diê Saúlo, munzangala ua uabha iu uadisanze kiambote; muʼaxaxi ka anʼa Izalaiele kanamu muthu ua mu tundu mu kuuabha ni kudisanza, o mu kitala mundu uoso a mu suku ngó bhu isuxi.