Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




I Samuuele 16:14 - O Mikanda Ikola

14 Nzumbi ia Jihova anga kua Saúlo i tunda-ku; anga bhu kala nzumbi iaiibha ia tundu kua Jihova hé i kala mu mu kuatesa uoma.

အခန်းကိုကြည့်ပါ။ ကော်ပီ




I Samuuele 16:14
17 ပူးပေါင်းရင်းမြစ်များ  

Maji o henda iami-phe ki ngi mu katula-iu, kala ki nga i katula kua Saúlo, eme nga mu katula-ku bhu pholo ié.


Bhenhobho Mika, uixi: Ivua-phe o kizuelu kia Ngana: Nga mono Jihova ua xikama bhu kiandu kiê, ni kifuẋi kioso kia diulu, kiemana bhu mbandu iê ku lukuaku luê lua kúdia ni ku lukuaku luê lua kiasu.


Muene uixi: Nga kà tunda, anga ngʼà kala ngi nzumbi ia makutu mu ʼkanu dia jipolofeta jê joso. Eme Ngana: Eie ua-nda kua kà mu tobhesa muene, hé ua kà mu tolola; tunda-phe, u ki bhange.


Kana ku ngi kaiesa bhu pholo ié; kana ku ngi tambula o Nzumbi ié Ikôla.


Némbe-phe a sasa ana, eme nga-nda ku a katula-nâ, phala ki bhu subhuke diiala. Ni kidi muene, kokolo diâ! Kioso eme ki nga-nda ku a tunda bhu mbandu iâ.


Muhatu anga u dikola u mu ambela, uixi: Akua Fidíxia a ku tula, Sansau! Muene anga u thathumuka ku kilu, uixi: Ngi tunda, kala ki ngene kubhanga kiá, ngi di kukumuna mu kudibhangela. Mukonda muene ka kʼijidile kuila Jihova ua mu ehelela kiá,


Sasangu anga u kuata philadi jiiadi ja kaẋi, jene ja fikidila inzu ioso, anga u xamenena-ku, iii ua i kuata ni lukuaku lua kúdia, o iii ua i kuata ni lukuaku lua kiasu.


Nzambi anga u bheka unguma bhuʼaxaxi ka Abimeleke ni akua Xikeme; akua Xikeme anga a bhanga ufe kua Abimeleke.


Nzumbi ia Nzambi anga u tula ni nguzu ku thandu dia Saúlo kievu makʼama, njinda iê anga i mu kuata kiavulu.


Akua mbèle ia Saúlo anga a mu ambela, exi: Talesa, tua mono kuma nzumbi iaiibha i tunda kua Nzambi iala ku ku tatesa kinéne.


Muadiʼami, tu tume kiá, tu mbele ié, tua ku imanena bhabha,, tu ku sotele muthu, mesene ia kuxika mbànza; phala ki kale jinge kuila kioso ki ku tula o nzumbi iaiibha i tunda kua Nzambi, muene u xika ni lukuaku luê, eie-phe u sembuluka.


Anga aia ni kuila o nzumbi iaiibha ki i tunda kua Nzambi se i kuata Saúlo, Davidi u katula mbànza jê, u kala mu xika ni lukuaku luê. Saúlo anga u nhoha, u sembuluka, o nzumbi iaiibha i mu xia hanji.


Ki kuákie, mu kizuua kiamukuá, nzumbi iaiibha i tunda kua Nzambi anga i kuata Saúlo ni nguzu, anga u kala mu xingila mʼonzo. Davidi-phe anga u kala mu xika mbànza ni lukuaku luê, kala kiene mu bhanga kiá izuua iamukuá. Saúlo anga u kala ni sosa bhu lukuaku luê.


Saúlo anga u kala ni uoma ua Davidi, mukonda Jihova uala-nê; maji o kua Saúlo Jihova ua tundu-ku kiá.


Samuuele anga u ambela Saúlo, uixi: Ua ngi fudisila-hi kunhoha kuami, o ku ngi fukununa kiki eme ngeza bhabha? Saúlo anga u vutuila Samuuele, uixi: Nga tate kiavulu; kuma akua Fidíxia eza ku ngi lua ita, Nzambi phe ua ngi xi, kala ku ngi vutuila dingi, né ku jipolofeta, né ku jinzoji. Kiene ki nga ku ixanena eie, phala u ngʼijidise kioso ki ngi bhanga.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ