I Samuuele 16:12 - O Mikanda Ikola

¹² Anga u tuma ku mu takana. Muene-phe ua kusuluka kiambote, ua uabha pholo, ki ku uabhela ku mu tala mesu. Jihova phe uixi: Balumuka, u mu unde; muene kiabhʼú.

I Samuuele 16:12 ပူးပေါင်းရင်းမြစ်များ

Dimatekenu 39:6

Muene anga u ehela ima ioso bhu maku a Zuze; kejiia dingi kima kiala-nakiu, kala uijiia ngó kudia kuê kuala mu kudia. Zuze anga u kala muthu ua uabha o pholo ni mukutu.

II Samuuele 23:1

Enhá ene o maka ma sukidila-ku ma Davidi. Davidi monʼa Jese uambe kiki; muthu ió a mu zangeleka ditala dia dikota, a mu undu ni maji kuala Nzambi ia Jakobo, uixi:

II Samuuele 7:8

Ki tualʼiki-phe, kà tangele selevende iami Davidi, uixi: Eme Jihova dia Ifuẋi, uambe kiki: Nga ku katula mu kuinga ibhaku mu iangu, mu kombola jimbudi, phala u kale ku pholo mu tambula konda ia mundu uami ua Izalaiele.

I Jisobha 1:34

O nganga Zadoko, ni polofeta Natane, a mu undile bhenhobho ku ungana ua Izalaiele. Mua ka xika koloneta, hé mua kèla, muexi: Sobha Solomá a laie, a kole muenhu!

Jisálamu 2:2

Jisobha mu ngongo ja di bhongolola, makota ma di longesa jindunge, phala ku kitukila Jihova, ni muthu uê ua mu undu ni maji.

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Jisálamu 78:70

U sola ue Davidi mù kala selevende iê, ua mu katula mu kuinga jimbudi.

Makatukilu 2:2

Muhatu anga uimita, u vuala monʼa diiala; o kia mono ua uabha, uadisanze, u mu sueka mu mbeji jitatu.

Mukumbi ua Mikumbi 5:10

Mukonda o kazola kami uedi ni kuzela ni kukusuka; muene ua beta ku di tungula mu makuinhi a jimidi.

Kuditenda 4:7

O ilamba iê ki ia kexi, mu kulekujuka neve ndenge; o mu kuzela ue kota o lete ndenge; o mu kusuka mikutu, ene kota o makoladi ndenge; aẋanana kiambote, katé mu kulujela a somboka o jisafídia!

Zakadiia 4:14

Bheneʼobho muene uixi: Ene o kiiadi, kiondu ni maji, ene bhu pholo ia Jihova uavu ixi ioso.

Jipoxolo 4:27

Kuma ni kidi muene, mu mbongeʼ umu o Selevende ié ukôla, Jezú, ua mʼ undu ni maji phala kukala Kristu, ni Helode ni Pônsio Pilatu, ni akua matumbu, ni mundu ua Izalaiele, a mu balukila.

Jipoxolo 7:20

O mu thembu ieneʼ oio, muene mua vuala Mozé, anga u kala mona ua uabha kiavulu. O jitata jê hé a mu sasa mbeji jitatu mʼ onzo.

Jihebeleu 11:23

Kiejila mu kuxikana, Mozé kia mu vuala, a mu sueka mu mbeji jitatu kuala o jitata jê. Mukonda ene a mu mono kuma mona ua di sanze, o ngonge ia sobha ka i lenge.

I Samuuele 16:18

Dikuenze diê diamukuá anga u kumbulula, uixi: Eme-ze ngejiia muthu, monʼa Jese bhu Beleme, mesene muene ia kuxika, diiala dia nguzu, dikuenze dia ita, mujitu mu kuzuela, muthu ua kuuabha, o Jihova ue uala-nê.

I Samuuele 17:42

Mukua Fidíxia-phe ki edi suí, u mona Davidi; anga u mu xikulula, u mu toka mesu bhenhobho; kuma hanji uala monʼa ndenge, ua kusuluka, uala hanji ni pholo ia uabha ia undenge.

I Samuuele 17:55

Saúlu kia mono Davidi kutunda mù kuia kubhanga ni mukua Fidíxia, u ambela Abinele, kabhitangu ka kifuxi kiê, uixi: Abinele, monʼú, monʼa nanhi? Abinele, uixi: Kuku, Kalè-ku kala ki uala ni muenhu uê moxi, ki nga kʼijiia.

I Samuuele 9:17

Samuuele-phe kioso kia mono Saúlo, Jihova ua mu ambela, uixi: Muthu iú muene nga ku tangela-nê! Muene ua tokala, ua-nda kutumina o mundu uami.