I Samuuele 16:1 - O Mikanda Ikola

¹ Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 16:1 ပူးပေါင်းရင်းမြစ်များ

I Jisobha 8:16

Tunde kizuua ki nga katula o kifuxi kiami kia Izalaiele mu Ijito, ki nga solo sanzala iengi mu miji ioso ia Izalaiele, ni ngi tunge-mu inzo mu ngi tumbika o dijina diami; maji nga solo-phe Davidi, nda a tumine o kifuxi kiami kia Izalaiele.

II Jisobha 9:1

Kieneʼokio-phe o polofeta Ilizeu uixana umoxi ku anʼa jipolofeta, hé u muʼambela, uixi: Di kute o phonda mu mbunda, u zangule o mudingi iú ua maji, u uambate bhu maku mé, nda uie bhu Lamote dia Ngiliiade:

II Jisobha 9:3

hé u katula o mudingi ua maji, u mu lunduluila-na-u bhu thalʼa mútue, uixi: O jihova uambe kiki: Nga kʼundu ku usobha ua kutumina Izalaiele. Kieneʼokio-phe u jikula o dibhitu anga u lenga; kana kuimana.

II Jisobha 9:6

Bhenoʼobho u balumuka hé u bokona mu xilu, anga u mu lunduluila o maji bhu thalʼa mutue uê, hé u mu ambela, uixi: O Jihova Nzambi ia Izalaiele uambe kiki: Nga ku undu ku usobha ua kutumina mundu uangene ua Ngana, kutumina Izalaiele.

I Malunda 11:3

O adikime oso ue a Izalaiele, ene oso eza kua sobha bhu Hebolone, o Davidi hé u-tanâ kikutu bhu Hebolone, bhu pholo ia Jihova; anga a hingisa Davidi ku usobha ua Izalaiele, kala kia tange o kizuelu kia Jihova ku ukunji ua Samuuele.

I Malunda 28:4

O Jihova Nzambi ia Izalaiele ua ngi solo eme, mu dibhata dia tatʼetu, ni muiji uami, phala ngi kale ngi Sobha ia Izalaiele katé ku hadia ni hadia. Mukonda Muène ua solo o muiji ua Juda mu kukala kilamba, ni dibhata dia tatʼ etu mu muiji ua Juda. O mu ʼaxaxe ka anʼa tatʼetu, ua ngi solo-mo eme, iú ua ngi katula mu ku ngi bhanga ngi sobha ia muiji uoso ua Izalaiele.

Izaía 11:1

Mbata ku kixina kia Jese kuanda kusabhuka Luthangu, o ku jindanji jê kua-nda kufuafua ngolongo ia-nda kuima.

Izaía 11:10

Kia kà kala-phe kiki, kuila, mu kizuuʼomo akua jixi a kà di ta mu kusota Lundanji lua Jese, a lu te mu ku kala mvela ia ifuẋi; o kididi kia dinhohenu diâ kia kʼèzala fuma ia tenena.

Izaía 55:4

Talesa, eme nga mu bhana a kale mbangi ku athuʼoso, a kale kilolo, a kale nguvulu ia mundu.

Jelemiia 11:14

Eie-phe, mundu iú kana ku u sambela, kana ku a tela nzongo ia kudila mba musambu; mbata mu kithangana kia ku dikola kokuʼami ki nga kà evua mukonda dia kuiibha kuâ.

Jelemiia 15:1

Jihova-phe ua ngambela, uixi: Né-mbe hanji Mozé ni Samuele emanene bhu pholo iami, o muenhu uami ki ueje ku di bunda ni mundu iú; a kaie, bhu pholo iami a tunde-bhu.

Jelemiia 6:30

A-nda kua kà exana phalata iò jine, mbata Jihova ua a tènde.

Jelemiia 7:16

Eie bá, kana kusambela o mundu iú, kana ue ku a tela nzôngo mba musambu, mba u ngi zukutisa, mbata eme ki nga-nda ku kuivua.

Zakadiia 4:14

Bheneʼobho muene uixi: Ene o kiiadi, kiondu ni maji, ene bhu pholo ia Jihova uavu ixi ioso.

Loma 15:12

O bhuamukuâ Izaia ue uixi: Hadia kuà keza muthu u tunda ku muiji ua Jese, muene ua kà zangalala mù tumina akua jixi jengi; o matumbu a kà mu dielela jinga muene.

Jihebeleu 11:32

Ngʼ ila-phe dingi kiebhi? Kuma o thembu i ngi bhua se ngedile ngi tanga ni Ngidiione, ni Balake, ni Sasango, ni Jafeta, ni Davidi, ni Samuuele, ni jipolofeta.

I Nzuá 5:16

Se muthu u mona phangʼiê uala mu ta kituxi, maji ki kituxi kia kúfua, a mu bhingile, Nzambi nda a mu bhane muenhu muenhó uoso u ta kituxi, ki kituxi kia kúfua. Sai-ku kituxi kia kúfua; ki kiene-phe eme ki nga mi ambela kuila mu ki bhingila.

I Samuuele 10:1

Bheneʼobho Samuuele anga u sunga thenda ia maji, u ma lunduluila ku mútue ua Saúlo, u mu bhana nzóbole, uixi: Nga ki bhangela mukonda Jihova ua ku undu mu kukala u muenexi mu undundu ué.

I Samuuele 15:11

Nga dielesa kiá o kuta Saúlu ku ungana, kuma muene ua ngi bhana dikunda, ua di tunu ku ngi kaiela eme, iú ua fulu ku kumbidila ioso i nga mu tumu. Samuuele anga ki mu iibhila kiavulu; hé u dikola kua Jihova usuku uoso uenhó.

I Samuuele 15:23

Kuma o kuxibhaka mukuâ ni kituxi kia uoloji; o kubhukumuka, mukuâ ni kudianguka ni iteka mba kubheza mahamba mʼonzo. Kaia kiki, mukonda eie ua ditunu kuíva o kizuelu kia Jihova, muene ue ua ditunu ku ku bhaka ku usobha phala ku kale dingi ku ungana.

I Samuuele 15:26

Samuuele anga u ambela Saúlo, uixi: Eme ki ngi ku bheka; mukonda eie ua ditunu kizuelu kia Jihova, Jihova ue iu ua ku ditunu, ka mesena ku ku bhaka dingi ku ungana ni u kale u sobha ia Izalaiele.

I Samuuele 15:35

Tundé kiá bhu Kizuua kienhókio, plofeta Samuuele ka tona dingi kuiza mu kudimona ni Saúlo katé bhu kizuua kiê kia kúfua. Samuuele-phe anga u kala mu dila Saúlo, kuma o kia Saúlo kia mu bhekela jinga henda. O Jihova ue u diela mu ku ta Saúlo ku ungana ua Izalaiele.

I Samuuele 16:15

Akua mbèle ia Saúlo anga a mu ambela, exi: Talesa, tua mono kuma nzumbi iaiibha i tunda kua Nzambi iala ku ku tatesa kinéne.

I Samuuele 16:23

Anga aia ni kuila o nzumbi iaiibha ki i tunda kua Nzambi se i kuata Saúlo, Davidi u katula mbànza jê, u kala mu xika ni lukuaku luê. Saúlo anga u nhoha, u sembuluka, o nzumbi iaiibha i mu xia hanji.

I Samuuele 17:12

Davidi-phe monʼa mukua Efalata mu Beleme ku Juda, dijina diê Jese; muenʼiu anga u kala ni nake dia ana a mala; muadiakimi kiá mu izuua ia Saúlo, ua kuka kiá muene muʼaxaxi ka athu.

I Samuuele 9:16

Mungu mu kumbi kala mumu nga-nda ku ku tumikisa muthu, mukua ʼxi ia Bejamí, eie-phe u mu unda ni maji, phala a kale mutuameneni ua mundu uami Izalaiele; muene uà bhulula o mundu uami bhu maku ma akua Fidíxia; kuma mundu uami nga a zambuila dingi mesu, eme nga a tongolola dingi, o ngololo iâ ia ngi bhixila.