I Samuuele 15:9 - O Mikanda Ikola

⁹ Ni Saúlo-phe ni mundu anga a lendukila Akake, ni ku jimbudi joso ja beta kudisanza, ni ku jingombe, ni ku ibhaku iamukuá, ioso ia nete kiambote, ni ku tuana tua jimbudi, ima ioso ia uabha kiambote ka ẋikina ku í buikisa ioso. O ioso-phe iaiibha, ki i uabha kiambote ia tènde ene, iene ia zubha ni ku i buikisa ku mazu a xibhata.

I Samuuele 15:9 ပူးပေါင်းရင်းမြစ်များ

II Samuuele 6:13

Mu ku ki bhanga-phe, oso akua kuzenza álaka ia Jihova, kia te-ku ngó makanda masamanu, u satela-bhu ngombe ni mbudi ia sevado.

I Jisobha 20:34

Bene-hadade hé u zuela, uixi: Ngi ku vutuila o jisanzala tatʼetu ja tambuile kua tatʼenu, eie anga u bhanga ikoka ié mu Damasku, kala tatʼetu kia i bhangele mu Samádia. Anga Akabe u mu vutuila, uixi: Ki tua bhange kiá o kikutu kiki, ngi kueha kia nda uié. Anga Akabe u bhanga-nê o kikutu kia ukamba, anga u mueha kuiê.

Matesu 26:9

Hinu ua ma sumbisa mu itadi iavulu, ni a i bhane ku jingadiama!

Josuué 6:18

Enu-phe alukenu, ki mu kuate kima kiókidike, kuma kima kiókidike, hé mu ki katula, mua-nda kubheka lufuku mu kilômbo kia Izalaiele, anga mu tatesa ni akuenu.

Josuué 7:21

kioso ki nga mono ku madibongela kapote ka Babilónha ka uabha kiavulu, ni hama jiiadi ja xikuli ja phalata, ni mutàdi ua ulu u pezala makuinhi atanu a xikulu, luimbi lua ngi kuata, eme nga i katula iene ioso nga i kandeia bhoxi, eme nga i sueka mu balaka iami, ni kitadi kiene-ze kí bhobho.

I Samuuele 15:10

Kia bhiti imʼiii, kizuelu kia Jihova anga kʼiza kua Samuuele, kiexi:

I Samuuele 15:15

Saúlo-phe, uixi: Eza na-ju ku akua Amaleke; kuma mundu a xi-ku ku jimbudi ni ku jingombe joso ja disanze kiambote, phala ku ji satela Jihova Nzambi ié; o jamukuá tua ji buidisa joso.

I Samuuele 15:19

Kima kiahi-phe kia ku kambesa kutumaka o dízui dia Jihova, ki bhinga u suína ni kubhûnda imbamba, anga u bhanga kima kiaiibha ku mesu ma Jihova?

I Samuuele 15:3

Kiki-phe ndeie, ua kà bete Amaleke, nda ua kà buikise ioso iala na-iu, sé ngó ku a lendukila. Ua kà jibha ni mala ni ahatu, ni tuana tua ndenge, ni tuana tua uisu ku mele, ngombe ni mbudi, kamelu ni bûlu, ki ku subhuka kima.

I Samuuele 28:18

Mukonda eie ua kambe kutumaka dízui dia Jihova, ua kambe ku mu zubhila njinda iê iatema ia kuatelele Amaleke, kiene Jihova kia ku bhangela kiki kizuua kia lelu.