I Samuuele 15:35 - O Mikanda Ikola

³⁵ Tundé kiá bhu Kizuua kienhókio, plofeta Samuuele ka tona dingi kuiza mu kudimona ni Saúlo katé bhu kizuua kiê kia kúfua. Samuuele-phe anga u kala mu dila Saúlo, kuma o kia Saúlo kia mu bhekela jinga henda. O Jihova ue u diela mu ku ta Saúlo ku ungana ua Izalaiele.

I Samuuele 15:35 ပူးပေါင်းရင်းမြစ်များ

Dimatekenu 6:6

Ngana anga u dielesa mu ku bhanga o muthu mu ngongo, kia mu bhekela lamba ku muxima uê.

II Samuuele 6:23

Mikala-phe, monʼa Saúlo ua muhatu tunde kienhokio ánga u kamba mona katé kiá bhu kizuua kia ufuilu uê.

Jisálamu 119:136

Kisoxi muene kiala ku ngi buabumuka mu mesu kala ngiji, mukonda dia athu kubhumina o ngonge ié.

Jisálamu 119:158

Ki nga mono ió a dianguka, eme kia ngi iibhila muene; mukonda ene ka mu kualuka o maka mé!

Filipe 3:18

Kuma sai-ku avulu enda kala ki nga mi tangela jinga luavulu kiá, ni kiki ngi mi tangela dingi, ni kudila, kuila ala jinguma ja dikulusu dia Kristu.

I Samuuele 15:11

Nga dielesa kiá o kuta Saúlu ku ungana, kuma muene ua ngi bhana dikunda, ua di tunu ku ngi kaiela eme, iú ua fulu ku kumbidila ioso i nga mu tumu. Samuuele anga ki mu iibhila kiavulu; hé u dikola kua Jihova usuku uoso uenhó.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 19:24

Anga u zula ue izuatu iê, u ximana ni kutanga uanji ua upolofeta bhu pholo ia Samuuele, hé u zeka ni tuẋi kumbi diosuʼodio ni usuku uê. Mukonda dia kiki a ki ta dingi ku mukûmbi, exi: Saúlo manhi ua di bundu ué mu jipolofeta?