I Samuuele 15:3 - O Mikanda Ikola

³ Kiki-phe ndeie, ua kà bete Amaleke, nda ua kà buikise ioso iala na-iu, sé ngó ku a lendukila. Ua kà jibha ni mala ni ahatu, ni tuana tua ndenge, ni tuana tua uisu ku mele, ngombe ni mbudi, kamelu ni bûlu, ki ku subhuka kima.

I Samuuele 15:3 ပူးပေါင်းရင်းမြစ်များ

Dimatekenu 36:12

Timina anga u kala mukama ua Ilifaji monʼa Izaú; anga u vuala mona ua Ilifaji, Amaleke; ene osoʼá anʼa Ada, muhatuʼa Izaú.

II Samuuele 1:8

Ngixi-phe, Emʼiú. Muene u ngʼambela, uixi: Eie nanhi? Ngixi: Ngi mukua Amaleke.

Makatukilu 17:14

Jihova anga u ambela Mozé, uixi: Kiki soneka-kiu, ki kale musêndu mu divulu, u ki jimbuile ue mu mátui ma Josuué; kuma Amaleke ngi mu jimisa o mbutu, bhoxi a diulu u bhua-bhu.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Dialuilu 24:20

Anga u tala kua Amaleke, u kuata kifika kiê, uixi: Amaleke ua kexile ku pholo, ku ifuẋi ioso; maji o ku dizubhilu kua kàia-phe, u buika.

Dialuilu 31:17

Kala kiki jibhenu ana oso a mala, ni ahatu oso ejiia kiá mala mu kuzeka-nâ.

Josuué 10:39

Iá a mu kuata ni sobha iê, ni jisanzala jé mu jimbandu, anga a a bhitisa ku mazu a xibhata, mienhu ioso ia kexi-mu a i buikisa muene, ka xisa-mu kima ki subhuka. Kiene kia bhange kua Hebolone kiene ue kia bhange Ndebile ni sobha iê, mukuâ ni kia bhangele kua Libina ni sobha ie.

I Samuuele 14:48

Anga u bhanga uzonda, u beta akua Amaleke, u kudila Izalaiele bhu maku ma oso a kexile ku a bhûnda.

I Samuuele 15:18

Jihova-phe iú ua ku tumu njila iii, uixi: Ndeie, ua kà buikise akua ituxi ió abhukumuka akua Amaleke, ua kà lua-nâ katé a buila ene oso muene.

I Samuuele 15:9

Ni Saúlo-phe ni mundu anga a lendukila Akake, ni ku jimbudi joso ja beta kudisanza, ni ku jingombe, ni ku ibhaku iamukuá, ioso ia nete kiambote, ni ku tuana tua jimbudi, ima ioso ia uabha kiambote ka ẋikina ku í buikisa ioso. O ioso-phe iaiibha, ki i uabha kiambote ia tènde ene, iene ia zubha ni ku i buikisa ku mazu a xibhata.

I Samuuele 22:19

Ni Nobe, o dibhata dia jinganga, Saúlu u tuma ku di beta ue ku mazu a xibhata, ni mala, ni ahatu, ni ana-ndenge ni anʼauisu ku mele, ni jingombe, ni jibulu, ni jimbudi, ene oso, buí.

I Samuuele 27:9

Davidi anga uia ni ku beta ixi ioso ienhoio, ka xi-mu né diiala né muhatu, anga u ambata jimbudi, ni jingombe, ni jibûlu, ni jikamelo, ni izuatu, anga u vutuka, u tula na-iu kua Akiji.

I Samuuele 30:17

Davidi anga ua beta tunde mu mixinda ia maku katé mu ngoloxi ia kizuua kiamukuá; ki bhuala diiala ua tundu-bhu, kikale ngó hâma jiuana ja minzangala a mondala jikamelu, ene ngó a lenge.