I Samuuele 15:28 - O Mikanda Ikola

²⁸ Kienhoko Samuuele anga u mu ambela, uixi: Jihova ua ku tandula lelu ungana ua Izalaiele, iu ua u bhana mukuenu uengi ua ku tundu mu kuiuka.

I Samuuele 15:28 ပူးပေါင်းရင်းမြစ်များ

II Samuuele 3:10

kia kusondolola o utuminu, u tunde mu dibhata dia Saúlo, ni kukuatesa o kiandu kia Davidi mu ku tumina Izalaiele ni Juda, tunde ku Dane katé Beleseba.

II Samuuele 3:18

Ndokuenu-phe kiá, mu ki bhange kindala; kuma Jihova muene ua tumbula Davidi, uixi: Ku lukuaku lua selevende iami Davidi kuene ku ngi bhuluila o mundu uami ua Izalaiele bhu lukuaku lua akua Fidíxia, ni bhu lukuaku lua nguma jâ joso.

II Samuuele 3:9

Nzambi a ngi bhange-kiu, eme ngi Abinele, a ngi tele-ko dingina, se kia lokela Jihova kua Davidi eme ngi kamba ku ki kumbidila,

II Samuuele 6:21

Davidi anga u ambela Mikala, uixi: Nga ki bhangela o kusanguluka bhu pholo ia Jihova, ua tenene ku ngi tungula eme mu ku tùnda tatʼenu ni dibhata dioso, ni ku ngi tumbika kukala ku pholo ia mundu uangene ua Jihova, uene ua Izalaiele; kiene ki nga tonokena bhu pholo ia Jihova.

I Jisobha 11:11

Kia bhekela Ngana kuambela Salomá, uixi: Mbata eie ua bhange kienhiki, eie ua fulu kubhaka o kikutu kiami, mba ngó kualuka o ijila i nga ku xindila, o utuminu uaʼxi iii nga-nda ku ku katula-u, anga ngi u bhana kua mubhikʼé.

I Malunda 10:14

o ku sota Nzambi kana; kiene kia mu bhekela o ku mu jibha, o ungana uê anga a u bhana Davidi, mona Jese.

Jobe 34:24

O Mazonda u a jimisa, sé ku a tokuesa, o bhu ididi iâ hé u ta-bhu athu engi.

Daniiele 4:17

Sendesa iii iatundu ku Alangidi, o ngonge iii iangene ia athu akôla; phala ki bhekele athu ku tongolola kuma, mbé Suke-ku muene utumina o ma-usobha ma athu; u ma bhana uoso a mu andala, katé-ze ni sébhue u mu zangeleka muene ku thandu dia athu.

Daniiele 4:32

A-nda ku ku kaia, o muʼaxaxi kʼathu u tunda-mu, inda utunga kiá ni iama ku mukáu; a-nda ku ku disa iangu kala ngombe, anga ukala kienhiki katé kua ku bhiti sambuadi dia jithembu, anga ki ku tetulukila kuamba, o Suke-ku mbé muene uene kutumina ma-ungana ma athu, uoso ua mu andala muene, muène a mu bhana-u.

Nzuá 19:11

Jezú, uixi: Eie kueju kala ni kutena kua ku ngi bhanga kima, se a kambele ku ku bana-ku kuala Nzambi ku diulu. Kienhiki, uoso ua ngi bhakula ko kué, muè uala ni kituxi kia dikota.

Jipoxolo 13:22

Kia mu katula-ku, Nzambi ua zangeleka Davidi kukala sobha iâ. Anga u mu kalela mbangi, uixi: Nga bongo Davidi, mona Jese, muthu ua ngi zelela ku muẋima, u bhanga ima iami ioso i ngandala.

Loma 13:1

Athu oso ende ni kubelesela o maungana. Kuma kana-ku ungana uengi, ki kale u tunda kua Nzambi; o maungana moso mala-ku, Nzambi muène ua ma tumu.

I Samuuele 13:14

Kiki-phe o utuminu ué ki ua-nda kunanga. Jihova ua di sotela kiá muthu ua mu zelela ku muẋima uê, muene ua-nda ku mu tumbika kukala mutuameneni ua mundu uê, mukonda eie kua bhake kijila kia ku tumu.

I Samuuele 16:12

Anga u tuma ku mu takana. Muene-phe ua kusuluka kiambote, ua uabha pholo, ki ku uabhela ku mu tala mesu. Jihova phe uixi: Balumuka, u mu unde; muene kiabhʼú.

I Samuuele 18:8

Saúlo anga u kala ni njinda iavulu, kuma mukumbi iú ua mu iibhila; mbata uixi: Davidi a mu fika makuinhi a jimidi, eme jimidi ngó! Kua ngi xala-hiphe dingi mu ku ngi tambula o ungana?

I Samuuele 25:30

Hádia-phe ki kia kà bhita, Jihova kia kà zubha ku ku bhanga, ngana iami, mbote ioso ia tange muene ku thandu dié, kia kà zubha ku ku tumbika mu kukala u mutuameneni ku pholo ia Izalaiele,