I Samuuele 15:26 - O Mikanda Ikola

²⁶ Samuuele anga u ambela Saúlo, uixi: Eme ki ngi ku bheka; mukonda eie ua ditunu kizuelu kia Jihova, Jihova ue iu ua ku ditunu, ka mesena ku ku bhaka dingi ku ungana ni u kale u sobha ia Izalaiele.

I Samuuele 15:26 ပူးပေါင်းရင်းမြစ်များ

Dimatekenu 42:38

Kuala muene-phe: Monʼami ka-nda kuia-ku, se mua kulumuka dingi; kuma phangʼiê uafu kiá, muene ngó ua xala-ku; se ku mu bhita kima kiaiibha mu njila i muila, jimvi jami mua-nda ji bheka ni kikote kuʼalunga.

II Samuuele 12:9

Kiki-phe, phala-hi u tènda kizuelu kia Jihova, mu kubhanga kima kia mu iibhila ku mesuʼê? Kuma Udiia, mukua Hiti, ua mu jibha ku xibhata, o mukajiʼê eie ua mu bhange mukajiʼé eie; o muene eie ua mu bhange ujibhanganga ku xibhata ia anʼa Amone.

II Samuuele 7:15

Maji o henda iami-phe ki ngi mu katula-iu, kala ki nga i katula kua Saúlo, eme nga mu katula-ku bhu pholo ié.

Jelemiia 6:19

Ivua kunu, eie u ixi! Talesa, o mundu iú nga-nda ku u bhekela kibhidi, kia tundu mu kibundu kia ixinganeku iâ-ene; mbata maka mami kala ku ma suua, o ngonge iami ue a di tunu-iu.

Hozeia 13:11

Mu njinda iami nga ku bhele sobha, o kia ngi kuata kutema nga ku katula-iu.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Jipoxolo 13:22

Kia mu katula-ku, Nzambi ua zangeleka Davidi kukala sobha iâ. Anga u mu kalela mbangi, uixi: Nga bongo Davidi, mona Jese, muthu ua ngi zelela ku muẋima, u bhanga ima iami ioso i ngandala.

II Nzuá 1:11

Kuma muthu uala kiki, uoso u mu inda kutululuka, ua nomona ue ku imbamba iê iaiibha iene mù bhanga, a sokela.

I Samuuele 13:14

Kiki-phe o utuminu ué ki ua-nda kunanga. Jihova ua di sotela kiá muthu ua mu zelela ku muẋima uê, muene ua-nda ku mu tumbika kukala mutuameneni ua mundu uê, mukonda eie kua bhake kijila kia ku tumu.

I Samuuele 15:23

Kuma o kuxibhaka mukuâ ni kituxi kia uoloji; o kubhukumuka, mukuâ ni kudianguka ni iteka mba kubheza mahamba mʼonzo. Kaia kiki, mukonda eie ua ditunu kuíva o kizuelu kia Jihova, muene ue ua ditunu ku ku bhaka ku usobha phala ku kale dingi ku ungana.

I Samuuele 15:31

Kienhiki Samuuele hé u vutuka dingi, uia mu bheka Saúlo; Saúlo u bheza Jihova.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.

I Samuuele 28:18

Mukonda eie ua kambe kutumaka dízui dia Jihova, ua kambe ku mu zubhila njinda iê iatema ia kuatelele Amaleke, kiene Jihova kia ku bhangela kiki kizuua kia lelu.