I Samuuele 15:24 - O Mikanda Ikola

²⁴ Saúlo anga u ambela Samuuele, uixi: Nga te kituxi; kuma nga tondala kia ngi tumu Jihova, ni kizuelu kié-eie; mukonda nga kexe ni uoma ua mundu, eme ngevu dízui diâ.

I Samuuele 15:24 ပူးပေါင်းရင်းမြစ်များ

Dimatekenu 3:12

Bhenhobho diiala uixi, o muhatu ua ngi bhana kukala-nê, muene ua ngi bhana ku muẋi, eme nga di.

Dimatekenu 3:17

Anga u ambela Adá, uixi: Mukonda eie uevu dízui dia muhetuʼé, eie ua di ku muẋi u nga ku kidika, ngixi kana kudia-ku; mavu-phe a a te mázui mukonda diʼeie, u dia-ku ni lamba, izuua ioso ia muenhu ué;

II Samuuele 12:13

Davidi anga u ambela Natane, uixi: Nga te kituxi kua Jihova. Natane anga u ambela ue Davidi, uixi: Kidi, maji Jihova ua ku loloka kiá kituxi kié, kua-nda kufua, kana.

Jobe 31:34

Kuabhu-phe, eme ngi kale ni kimbulambula bhuezala o mundu ua dikota, o uoma ua ku ngi sebulula kuala o madiembu u ngi kuate, nda eme ngi di xibhe, ngi kambe ku tunda bhu muelu.

Jisálamu 51:4

Ko kué Ngana, ko kué èlele, ku nga tondala, nga bhange kiaiibha muene ku mesu mé; eie bhenhobho u kala ni kidi kié mu zuela; u lungé muene ki u ngʼêlesa.

Makatukilu 10:16

Bhenhobho Falaó u tuma kuixana Mozé ni Alá ni lusolo; u a ambela, uixi: Nga te kituxi, ni kua Jihova, Nzambi ienu, ni kókuenu enu.

Makatukilu 23:2

Kana kukaiela kizulututu kia mundu, mu bhanga kima kiaiibha; né mu kufúnda, kana ku kaiela o mundu a mesena kudiodia mulonga.

Makatukilu 9:27

Bhenhobho Falaó u tuma kuixana Mozé ni Alá, u a ambela, uixi: Kumbʼidi nga te muene kituxi; Jihova kidi kiê, ualunguʼê, ni eme ni mundu uami tua bhukumuka.

Jisabhu 29:25

O kukala ni uoma ua muthu, ki di bhanga mubhetu u fuisa muthu; maji uoso u dielela kua Jihova, uala ditala dia di leka, ka mu tena.

Jelemiia 38:5

Sobha Zedekiia-phe, uixi: Talenu, muene uelʼé kiá bhu makuʼenu; mukonda sobha ka tena kulenda kima kioso-kioso ki mi bhanga enu kia ibha.

Dialuilu 22:34

Balamu anga u zuela, uixi: Nga te kituxi; kuma ki nga kʼijidile kuila eie ua ngʼimanena mu njila; kiki-phe hé kia ku iibhila, zá ngi vutuke ku nga tundu.

Matesu 27:4

Nga te kituxi mu thelekala o manhinga ma muthu uaiuka! Kuala ene-phe: Etu kia tu kuatelahi? Maka mé eie. Eie-muène soka na-kiu!

Ngalásia 1:10

Manhi ki ngalʼ iki, ngalù sota ngó kukala mu ujitu ua athu? Lémbua! Kuma o ki nga solo eme, o ujitu ua Nzambi! Mbé kifua ngalù sota ngó kuuabhela athu? Se nga kexile mù uabhela ngó athu, ki ngejù kala dingi ngi selevende ia Kristu.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

I Samuuele 15:15

Saúlo-phe, uixi: Eza na-ju ku akua Amaleke; kuma mundu a xi-ku ku jimbudi ni ku jingombe joso ja disanze kiambote, phala ku ji satela Jihova Nzambi ié; o jamukuá tua ji buidisa joso.

I Samuuele 15:30

Muene bhenhobho uixi: Nga te kituxi; kiki-phe ngi bhange kia ngó ujitu, nga ku diondo, bhu pholo ia adiakimi a mundu, ni bhu pholo ia Izalaiele, nda uize u ngi bheke, phala ngi bheze Jihova Nzambi ié.

I Samuuele 15:9

Ni Saúlo-phe ni mundu anga a lendukila Akake, ni ku jimbudi joso ja beta kudisanza, ni ku jingombe, ni ku ibhaku iamukuá, ioso ia nete kiambote, ni ku tuana tua jimbudi, ima ioso ia uabha kiambote ka ẋikina ku í buikisa ioso. O ioso-phe iaiibha, ki i uabha kiambote ia tènde ene, iene ia zubha ni ku i buikisa ku mazu a xibhata.

I Samuuele 2:29

Muala kudiotela-hi bhoxi ni kutitidila jinga o jisata jami ni ilumbu iami, ia kijila ki nga bhana kubhangela mʼonzo iami, anga ki bhinga anʼé eie u beta ku a xila, eme ndenge, hé mu di netesa enʼuenu ni kutuama kutambula jixitu jambote ku jisata joso ja mundu uami ua Izalaiele.

I Samuuele 26:21

Saúlo bhenhobho anga u zuela, uixi: Nga bhange kiaiibha! Vutuka monʼami Davidi, kuma ki nga-nda ku ku bhanga dingi phulu; mukonda muenhu uami eie lelu ua u kiti kima kikôla. Ni kidi muene nga bhange uoua, nga tondala kiavulu muene.