I Samuuele 15:23 - O Mikanda Ikola

²³ Kuma o kuxibhaka mukuâ ni kituxi kia uoloji; o kubhukumuka, mukuâ ni kudianguka ni iteka mba kubheza mahamba mʼonzo. Kaia kiki, mukonda eie ua ditunu kuíva o kizuelu kia Jihova, muene ue ua ditunu ku ku bhaka ku usobha phala ku kale dingi ku ungana.

I Samuuele 15:23 ပူးပေါင်းရင်းမြစ်များ

Dimatekenu 31:19

Kienhiki-phe kuma Labano ku bhata kala-ku, uaii mù bhuta o jimbudi jê, Lakele u nhana o iteka ia tokala mʼonzo ia tatʼâ.

Dimatekenu 31:34

Lakele-phe ua dianga kukatula o iteka, iú ua i sueka mu dikombola dia kamelo, iú ua i xikama ku thandu. Labano anga u xaxata o ima ioso iala mu balaka maji o iteka ka i mono.

II Samuuele 12:9

Kiki-phe, phala-hi u tènda kizuelu kia Jihova, mu kubhanga kima kia mu iibhila ku mesuʼê? Kuma Udiia, mukua Hiti, ua mu jibha ku xibhata, o mukajiʼê eie ua mu bhange mukajiʼé eie; o muene eie ua mu bhange ujibhanganga ku xibhata ia anʼa Amone.

II Samuuele 7:15

Maji o henda iami-phe ki ngi mu katula-iu, kala ki nga i katula kua Saúlo, eme nga mu katula-ku bhu pholo ié.

I Malunda 10:13

Kiene Saúlu kiafuʼiki, mukonda dia ikuma iê, ia te mu ku kitukila Jihova, ni mukonda dia kukamba kubhaka o kizuelu kia Ngana, ni mukonda uê dia kusota o kimbanda kia muhatu, mukua kuzambula, mbé ku mu kundila ima ioso,

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

Jobe 34:37

Kuma ku kituxi kiê ua bandekesa-ku kubhukumuka; u beta jimbanda muʼaxaxi kʼetu, ni kusebulula, maka mê u ma vudisa mu ku bilukila Nzambi.

Jisálamu 107:11

Mukonda a kitukila o maka ma Nzambi, Suke-ku kia a longo kilunji, nguauâ ku mu ívua.

Makatukilu 22:18

Muloji kana ku mu ehela kulaia.

Izaía 19:3

Muenhu ua akua-Ijitu ua kà bhuamu moxi diâ; o ki ata phangu, eme ngi i sengulula; bhenhobho a-nda kuia kuibhula phangu ku mahamba mâ, ni ku imbanda, ni kutaha jingômbo, ni akuauanga.

Izaía 8:19

Kioso ki a mi ambela: Tenu mizambu, ibhulenu akua kuxingila, ni imbanda, akua kuzuelela ku mazu ni ku di-ngunguina, o mundu mbé ki uibhula kua Nzambi iâ? Manhi kibhidi kia kuata athu a muenhu, mu kʼibhula kua iá a fu kiá?

Jelemiia 16:12

Enu-phe mua beta ku zanga, o jitata jenu ndenge; mbata, talesa hanji muthu ni muthu mudienu kia kuata ku kaiela kia mu tumu o muẋima uê ua kubhukumuka, mbé o kufula ku ngi bhana eme o mátui.

Jelemiia 28:16

Mukonda dia kienhiki, Jihova uambe, kiki: Tala, kulu-dia-mundu nganda ku ku katula-ku; ua-nda kúfua muvu uenhú, mukonda eie ua zuela ni kubhumina Jihova.

Jelemiia 29:32

kala kiki. Jihova uambe kiki, uixi: Tala, Semaia, nehelamita, nga-nda ku mu zungila, ni muene ni muiji uê, muene ka kà kala ni muthu u tunga mu kaxi ka kifuxi kiki, o mbote i nga-nda kubhanga ku kifuxi kiami, muene ka kà i mona mesu, Jihova ua ki tange, mukonda muene ua zuela ni kubhumina Jihova.

Hozeia 13:11

Mu njinda iami nga ku bhele sobha, o kia ngi kuata kutema nga ku katula-iu.

Hozeia 3:4

Mbata anʼa Izalaiele a-nda kukala ue muene izuua ia nzungule ka moneka sobha, ka moneka dikota, kene ni sata, kene ni kiteka mu dibhata, mba ngó efodi.

Ijila 20:27

Se bhu kala diiala mba muhatu ukala ni nzumbi ia kuxingila kilundu kia ngômbo-a-nhange, mba kithutha kia kuzambula ni kubhanga iphata, athu ió a fié muene, sé phata; mu a bûba ni matadi; o manhinga mâ a soke-nâ ene kuthandu diâ.

Ijila 20:6

O ki bhu kala ue muthu u bilukila mu ku ta muxima ku akua-ithutha ia kuzambula ni kubhanga, iphata, nʼende ni ku a kaiela ene, Eme-phe ngi mu ta diesu katé ki ngi mu batula muʼaxaxe ka povo iê.

Dialuilu 14:9

Hé kima, kana kukitukila Jihova, kana kukala ni uoma ua akua-xi; kuma a kala mbolo ietu ia kúdia, kilembeketa kiâ kia tundu-ku, kala na-kiu dingi, etu-phe Jihova tuala-nê; ki mu kale ni uoma.

Jipoxolo 13:22

Kia mu katula-ku, Nzambi ua zangeleka Davidi kukala sobha iâ. Anga u mu kalela mbangi, uixi: Nga bongo Davidi, mona Jese, muthu ua ngi zelela ku muẋima, u bhanga ima iami ioso i ngandala.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Ngalásia 5:20

Ubhezelu ua iteka, uanga, athu a di kuatela unguma, a di dia milonga, a di bhanga kusuina, a di temena, a di kuata jimvunda, akua difuba, akua luimbi. A di zemba, a di muangununa ku madianda-madianda, ni ku ibuka-ibuka.

Matendelelu 9:24

Xi! Kífua tunde kiá bhu kizuua ki nga mʼijiia, katé ni lelu, enu Jihova Nzambi mua mu bhukumukina muene kienhiki.

Matendelelu 9:7

Xinganekenu, ki ki mi jimbe ki muakexi mu kulokalala njinda ia Jihova Nzambi ienu mu kikangalakta; tunde mu kizuua ki mua tundu mu Ijito, katé bhu kididi bhu muezʼabha, mua di bhanga jinga mu axibhaki a hatu, bhu pholo ia Jihova.

Josuué 22:15

Enhá o kieza, a sanga anʼa Lubene, ni anʼa Ngadi, ni kaxaxi ka muiji ua Manasa, mʼoxi ia Ngiliiade, anga a di kunda-nâ, exi:

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.

I Samuuele 13:14

Kiki-phe o utuminu ué ki ua-nda kunanga. Jihova ua di sotela kiá muthu ua mu zelela ku muẋima uê, muene ua-nda ku mu tumbika kukala mutuameneni ua mundu uê, mukonda eie kua bhake kijila kia ku tumu.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.

I Samuuele 28:3

Kienhiki kala Samuuele uafua kiá okulo, Izalaiele dioso a mu didile, iá a mu fûnda kiá mu Lama, bhu bhata diê bhene. Saúlu-phe oso akua kuxingidisa, ni akua kuzambula ua a kaiesa, mʼoxi iâ a tundu-mu.