I Samuuele 15:19 - O Mikanda Ikola

¹⁹ Kima kiahi-phe kia ku kambesa kutumaka o dízui dia Jihova, ki bhinga u suína ni kubhûnda imbamba, anga u bhanga kima kiaiibha ku mesu ma Jihova?

I Samuuele 15:19 ပူးပေါင်းရင်းမြစ်များ

II Samuuele 12:9

Kiki-phe, phala-hi u tènda kizuelu kia Jihova, mu kubhanga kima kia mu iibhila ku mesuʼê? Kuma Udiia, mukua Hiti, ua mu jibha ku xibhata, o mukajiʼê eie ua mu bhange mukajiʼé eie; o muene eie ua mu bhange ujibhanganga ku xibhata ia anʼa Amone.

II Malunda 33:2

Anga u bhanga muene kia ibha ku mesu ma Jihova, kiene kia matumbu ma kaiesa Jihova bhu pholo ia anʼa Izalaiele mukonda dia maufusa mâ, kiene ue kia bhange muene.

II Malunda 33:6

Anga u bhitisa ue anʼê mu túbhia mu honga ia dikôlo dia monʼa Hinome; ua zambula jinga ue, ni kusàkela ni kubhanga jinga uanga, ni kukolomona jinga ue akua kuzambula ni akua iphata; anga u bhanga muene kia ibha kiavulu bhu pholo ia Jihova, mbé o ku mu lokalala o njinda iê.

II Malunda 36:12

Anga u bhanga muene ima ia ibha ku mesu ma Jihova, Nzambi iê; nguê ku di tolesa bhu pholo ia polofeta Jelemiia, ua kexi mu ku ta maka kumbandu ia Jihova.

Jisabhu 15:27

Muthu uoso u fundamena o nganhu ia kudia mangonha, u titidisa dibhata diê; maji uoso u iibhila o mahitula, muene u kola o muenhu.

Jelemiia 7:11

Onzo iii-phe ia luka dijina diami, mbé i kala ngenda ia ingumba ku mesu menu? Talesa, kienhiki eme, eme-muène ngi Jihova nga di muena-kiu, Ngana ua kiambe.

Dialuilu 14:41

Mozé-phe u a ambela, uixi: Phalahi mu tondala dingi kitumu kia Jihova? Kuia ki ku xikina dingi.

II Timote 4:10

Mukonda Demase ua ngi xi, iú uaii ku Tesalonika, mukonda dia kuzola mundu uenhú. Kelesende uaii ku Ngalásia, Titu ku Ndalamaxia.

I Samuuele 14:32

Anga a di lunduluila mu kubhunda ibhaku ku jinguma ni kuhama, a kuata jimbudi ni jingombe, ni anʼa jingombe, a ji jibhila bhoxi; o mundu anga a kuata kudia xitu ni manhinga.

I Samuuele 15:20

Saúlo anga u ambela Sammuuele, uixi: Kiene muene-ze. Nga tumaka dízui dia Jihova, njila ia ngi tumu Jihova nga i ende. Akake sobha ia Amaleke ngʼeza-nê, akua Amaleke oso nga a buikisa muene.