I Samuuele 15:13 - O Mikanda Ikola

¹³ Samuuele anga u mu kaiela kunhoko hé u bhiẋila bhuala Saúlo, o Saúlo kia mu mono anga u mu ambela, uixi: Tana-ku, eie u muthu ua Jihova. Nga kumbidila kioso kia ngi tumu Jihova.

I Samuuele 15:13 ပူးပေါင်းရင်းမြစ်များ

Dimatekenu 14:19

Anga u mu tanesa, uixi: Tana-ku, tana-ku! Eie u Mbalamu ia Nzambi Suke-ku, uavu o diulu ni ixi.

Dimatekenu 3:12

Bhenhobho diiala uixi, o muhatu ua ngi bhana kukala-nê, muene ua ngi bhana ku muẋi, eme nga di.

II Samuuele 2:5

Davidi anga u katula jiphunga, ua tuma ku akua Jabezi-Ngiliiade, uixi: Jihova a mi benzele, kuma muedikiza ujitu kua muadiʼenu Saúlo, mua mu fûndu!

Jisabhu 27:2

Ehela muthu uengi a ku ximane, maji o dikanu dié-eʼmuene, kana; muthu ua tundu dikanga a ki zuele, maji o mizumbu ié, kana.

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Jisabhu 30:13

Sai-ko muiji ua athu, o mesu mâ manama bhulu, ibhebhetelu iâ a i tudika bhuluʼobho!

Jisabhu 31:31

Ku kibundu kia kalakala maku mé mu bhanienu-ku, o ikalakalu iê i mu ximane bhu mielu ia mbonge bhuala athu oso.

Luka 17:10

Kiene ue enu, se mua bhange kiá ima ioso ia mi tumu, mu ila kuma: Tu akalakadi a iximba! Mukonda tua bhange ngó o ima ia tu tokala o ku i bhanga.

Luka 18:11

O falizeu anga uimana, u kala mú samba ni muẋima uê kiki: Nzambi nga ku sakidila, mukonda ki ngala kala athu amukuá, ala mií, inguángua, ati-a-jiphànda. Nga ku sakidila dingi, Ngana, kuma o mukua kutambula lubhaku iú ngó, eme ki nga sokela-nê.

Afundixi 17:2

Muene anga u ambela mamʼâ, uixi: Kitadi kié kia ku nhanene, o midi ia xikulu ia itadi ia phalata ni hâma, kia ku bhangesele kuila mu mátui mami muene, u mu bhubhidila uoso ua ki nhana, talesa, eme ngala na-kiu, eme muene nga ki nhana. Mamʼâ anga u mu ambela, uixi: Jihova a ku zediuise monʼami.

Lute 3:10

Kuala Bouaji: Jihova a ku bhane dibesá, monʼami! Mukonda o mbote iii i ua sukidila kubhanga iala kota, o i ua diangele kubhanga iala ndenge; kuma eie kua kaiela mala a minzangala, a kale jingadiama, mba a kale akua itadi, ki ene u ua suu.

I Samuuele 13:10

Kioso-phe kia zubha kusata o sata ia kuoha, Samuuele ue iú u izʼú; Saúlo anga u tunda mu ku mu kauidila, ni ku mu menekena.

I Samuuele 15:11

Nga dielesa kiá o kuta Saúlu ku ungana, kuma muene ua ngi bhana dikunda, ua di tunu ku ngi kaiela eme, iú ua fulu ku kumbidila ioso i nga mu tumu. Samuuele anga ki mu iibhila kiavulu; hé u dikola kua Jihova usuku uoso uenhó.

I Samuuele 15:20

Saúlo anga u ambela Sammuuele, uixi: Kiene muene-ze. Nga tumaka dízui dia Jihova, njila ia ngi tumu Jihova nga i ende. Akake sobha ia Amaleke ngʼeza-nê, akua Amaleke oso nga a buikisa muene.

I Samuuele 15:9

Ni Saúlo-phe ni mundu anga a lendukila Akake, ni ku jimbudi joso ja beta kudisanza, ni ku jingombe, ni ku ibhaku iamukuá, ioso ia nete kiambote, ni ku tuana tua jimbudi, ima ioso ia uabha kiambote ka ẋikina ku í buikisa ioso. O ioso-phe iaiibha, ki i uabha kiambote ia tènde ene, iene ia zubha ni ku i buikisa ku mazu a xibhata.

I Samuuele 23:21

Saúlo anga u a ambela, uixi: Jihova a mi benzele; kuma mua ngi kuatela henda.

I Samuuele 25:14

Munzangala umoxi-phe u kunda Abingaile, mukajiʼa Nabale, uixi: Davidi-ze ua tumu jiphunga jê, a tundu ku mikáu iakukuta kuala, phala kumenekena muadiʼetu, maji muene-phe ua a baúla, kuma ka a tambulula kiambote.