I Samuuele 15:11 - O Mikanda Ikola11 Nga dielesa kiá o kuta Saúlu ku ungana, kuma muene ua ngi bhana dikunda, ua di tunu ku ngi kaiela eme, iú ua fulu ku kumbidila ioso i nga mu tumu. Samuuele anga ki mu iibhila kiavulu; hé u dikola kua Jihova usuku uoso uenhó. အခန်းကိုကြည့်ပါ။ |
Jihova, anga utumikisa anju imoxi ku Jeluzaleme, phala Jeluzaleme ku i sengulula; o muene mu ku i buikisa. Ngana ua talesa, anga u di êlesa o kibuika kiokio, henda i mu kuata anga uambela o anju ia mubuidixi, uixi: Kuabhu! Kindala katula-ku kiá o lukuaku lué! O kienhokio-phe, anju ia Jihova iakexile bhu mbandu ia kididi kia dizanzu dia kubhiatela dia Holonane, mukua Jebuze.
Hé u sambela Ngana, uixi: U Jihova, ki kiene ki nga tangelʼiki, kioso ki ngala hanji kʼoxi iami? Kiene kia ngi bhekelele kulengela ku Talxixi, kuma ngejiia muene kuila eie u Nzambi ia henda ni kulenduka, ua vula o mbote ni muanu, u kokoloka kubeta, u lenguluka kukuatela henda, anga u lenguluka ue kudiela, ki uandala kubhana muthu kaxtiku.
Ni Saúlo-phe ni mundu anga a lendukila Akake, ni ku jimbudi joso ja beta kudisanza, ni ku jingombe, ni ku ibhaku iamukuá, ioso ia nete kiambote, ni ku tuana tua jimbudi, ima ioso ia uabha kiambote ka ẋikina ku í buikisa ioso. O ioso-phe iaiibha, ki i uabha kiambote ia tènde ene, iene ia zubha ni ku i buikisa ku mazu a xibhata.