I Samuuele 15:1 - O Mikanda Ikola

¹ Samuuele anga u ambela Saúlo, uixi: Jihova ua ngi tumu ku ku unda ku ungana ua mundu uê Izalaiele; kiki-phe ívua dízui dia kizuelu kia Jihova.

I Samuuele 15:1 ပူးပေါင်းရင်းမြစ်များ

II Jisobha 7:1

Kieneʼokio-phe Ilizeu, uixi: Ivuenu kizuelu kia Jihova; Jihova uambe kiki: Mungu ku kamba ngó bhuʼofele bhu kumbi kala didi, kua-nda ku kala kizongelu kimoxi kia fuba, mu xikulu imoxi, o izongelu iiadi ia sevada, xikulu imoxi, bhu muelu ua Samádia.

I Samuuele 10:1

Bheneʼobho Samuuele anga u sunga thenda ia maji, u ma lunduluila ku mútue ua Saúlo, u mu bhana nzóbole, uixi: Nga ki bhangela mukonda Jihova ua ku undu mu kukala u muenexi mu undundu ué.

I Samuuele 12:14

Se mu kala ni uoma ua Jihova, se mu mu bhikila muene, se mu mu ívua dízui diê, se mu kamba kuxibhaka o kijila kia Jihova Nzambi ienu, kixi enu kixi o sobha uala ku mi tumina, kiauabha! Mu disanza mu di hiha bhu pholo ia Jihova Nzambi ienu.

I Samuuele 13:13

Samuuele anga u ambela Saúlo, uixi: Ua bhange uoua; ua kambe kubhaka o kijila kia Jihova Nzambi ié, kioso kia ku tumu; kuma Jihova hinu ueje kukolesa o utuminu ué mu Izalaiele ni u nangenena.

I Samuuele 9:15

Jihova-phe ua diangele kulongesa Samuuele, kizuua kia kuila Saúlo mungu ua-nda kuiza, uixi:

I Samuuele 9:16

Mungu mu kumbi kala mumu nga-nda ku ku tumikisa muthu, mukua ʼxi ia Bejamí, eie-phe u mu unda ni maji, phala a kale mutuameneni ua mundu uami Izalaiele; muene uà bhulula o mundu uami bhu maku ma akua Fidíxia; kuma mundu uami nga a zambuila dingi mesu, eme nga a tongolola dingi, o ngololo iâ ia ngi bhixila.