I Samuuele 14:37 - O Mikanda Ikola

³⁷ Saúlo anga u ibhula kua Nzambi, uixi: Ngi kulumuka mu kaiela akua Fidíxia-â? U a telekala lelu bhu maku mami? Muene-phe ka mu vutuila kuala Jihova kizuua kienʼokio.

I Samuuele 14:37 ပူးပေါင်းရင်းမြစ်များ

II Samuuele 5:19

Davidi anga u ibhula kua Jihova, uixi: Ngi banda mu kúlua ni akua Fidíxia, inga kana? Manhi ua-nda ku ngi thelekala-nâ bhu lukuaku luami? Jihova anga u ambela Davidi, uixi: Banda, kuma ni kidi kiene akua Fidíxia nga kà a thelekala muene bhu lukuaku lué.

II Samuuele 5:23

Davidi-phe ki ebhula kua Jihova, Jihova uizi: Kana kubanda; inda u ta honda, hé u a kondela ku dima, ua a zombela bhu miẋi ia jimolela.

I Jisobha 22:15

Muene kia bhixila kua sobha, sobha u mu ambela, uixi: Kiebhi Mika, tuia mu kúlua ni Lamote dia Ngileiade, mba tuehetu kuia-ku? Muene u mu ambela uixi: Banda, ua-nda kua kà tolola; mukonda Lamote, Ngana ua kà i bhana bhu lukuaku lua sobha.

I Jisobha 22:5

Jozafate anga uambela dingi sobha ia Izalaiele, uixi: Lelu-phe u dianga hanji kusota kuijiia o kizuelu kia Jihova.

Izekiiele 20:3

O Jihova Nzambi uambe kiki: Eʼ monʼa muthu, zuelela adiakime a Izalaiele, u a tangele, kuma: O Jihova Nzambi ua zuela, uixi: Enu mueza ku ngʼibhula eme? Nga di lokela muene, kuma enu ki mua-nda ku ngʼibhula, lémbue.

Afundixi 1:1

Mu kukala-kukala, Josuué kia zubha kúfua, anʼa Izalaiele ebhula kua Jihova, exi: Nanhi u tu kalela ku pholo mu kubanda ku Makanana, ni kúlua-nâ?

Afundixi 20:18

Anʼa Izalaiele anga a balumuka, hé a banda aia bhu Betele, mù kuibhula phangu kua Nzambi, exi: Nanhi u tu tuamenena ku ita mu kúlua ni anʼa Bejamí? Jihova anga u zuela, uixi: Juda muene u tuamena.

Afundixi 20:28

Exi: O kiki-phe tuia dingi lua mukuá mu kúlua ni anʼa Bejamí, o phange jetu, inga tu batuka-ku kiá? Jihova uixi: Ndenu-ku dingi; kuma mungu nga-nda ku a bhakula bhu lukuaku luenu.

I Samuuele 10:22

Kienhiki ebhula dingi kua Jihova, exi: Muthu iú manhi kiluua eza bhabha? Jihova anga u vutula, uixi: Muene ió, ua suama mu imbamba ieza na-iu athu.

I Samuuele 23:2

Davidi anga u ibhula kua Jihova, uixi: O kuila ngiia kubeta akua Fidíxia enhá? Jihova anga u vutuila Davidi, uixi: Ndeie, u bete akua Fidíxia, u kudile Keila.

I Samuuele 23:4

Bhenhobho Davidi u tona dingi kuibhula kua Johova. Jihova anga u mu vutuila, uixi: Balumuka, u kulumuke ku Keila; mukonda eme ngi ku bhana akua Fidíxia bhu maku mé.

I Samuuele 28:6

Saúlo-phe ki ebhula kua Jihova, Jihova ka mu vutuila, né ku nzoji, né ku Udimi, né ku jipolofeta.