I Samuuele 14:29 - O Mikanda Ikola

²⁹ Jonata-phe uixi: Tatʼetu ua tatesa oxi: talesenu eme mu mesu mua ngi zele, mukonda eme nga lola-ku ngó o tuuikiʼutu.

I Samuuele 14:29 ပူးပေါင်းရင်းမြစ်များ

I Jisobha 18:18

Kuala muene: Eme Izalaiele ki nga mu mu zukutisa, kana; ua mu zukutisa Izalaiele eie ni dibhata dia tatʼenu, mukonda mua xisa o ijila ia Ngana, enu mua kaiela hamba dia Bahale.

Jisálamu 13:3

Ngi Suue, Ngana, xinganeka, u ngi vutuile, Jihova, Nzambi iami! Muikina mesu mami ni mukengeji ué, phala ki ngiie kilu kia kúfua.

Josuué 7:25

O kia bhixila momo, Josuué anga u mu ambela, uixi: Eie ua tu bhekela-hi kuxixima kuosʼuku? Jihova phe ue ua ku bhe kuxixima kizuua kia lelu. Izalaiele ioso anga a mu bûba ni matadi bhenhobho. Anga a oha mu túbhia, kioso kia zubha ku a bûba ni matadi.

I Samuuele 14:28

Muthu ku mundu anga u mu kumuna, uixi: Tatʼenu ua tendelela o mundu uoso ni kuloka, uixi: A mu bhubhidile uoso udia dikoka lelu. Mundu-phe a bhuila kiá ni nzala.

I Samuuele 14:30

Kuambe dingi se o mundu a dile kiambote ku kúdia kua bhûndu ku jinguma jâ; akua Fidíxia hinu tua a bûba kiengi.