I Samuuele 14:25 - O Mikanda Ikola

²⁵ Mundu uoso uenhó anga a bhita mu ditutu diala ni uiki bhoxi.

I Samuuele 14:25 ပူးပေါင်းရင်းမြစ်များ

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Jisabhu 25:16

Eie ua bongo uiki? Dia-phe ngó uoso ua ku soko; o ki uila u ta-ku, u ku kuma, anga u u lusa ni uene.

Dialuilu 13:27

A ambela, exi: Ixi tua i sange muene, ku ua tu tumu; i kunguluka lete ni uiki, ki makutu, o ibundu iê iene i tua bhekʼiii.

Matendelelu 9:28

Mukonda kia-nda kubhangesa-phe, akua-jixi, ku ua tu takanʼoko, enda ni kuzuela, exi: Jihova ua lémbua ku a bhiẋidisa mʼoxi ia a tangelele, mbe muene ue ua di-kumu-nâ, iú ua a takana kunu phala ku a jibhila mu kikangalakata.

Afundixi 14:9

Anga u katula-mu uiki bhu makuʼê anga uia ni kúdia mu njila muala kuila; u tula ue bhuala tatʼâ ni mamʼâ, u a bhana-ku, ene ue a dia; ka a tangela-phe kuila uiki ua u katula mu kisasu kia hoji.

I Samuuele 14:24

Mala ma akua Izalaiele anga a tata kizuua kienʼokio; a iokojoka ni kihongo kia nzala mukonda Saúlo o mundu ua u tendelela ni kuloka, uixi: A mu bhubhidile uoso u dia dikoka lelu, tunde kiki katé mu ngoloxi, phala ngi diange hanji kutata phonzo ku jinguma jami. Kienhiki ku athu oso, kana muthu ua tena ku lola kúdia.

I Samuuele 14:26

Mundu kia bokona mu ditutu, a sanga uiki iu zunzumukú, maji kana muthu-phe ua te lukuaku ku dikanu, kuma mundu ala ni uoma ua kubula o muloko ua Saúlo.