I Samuuele 14:24 - O Mikanda Ikola

²⁴ Mala ma akua Izalaiele anga a tata kizuua kienʼokio; a iokojoka ni kihongo kia nzala mukonda Saúlo o mundu ua u tendelela ni kuloka, uixi: A mu bhubhidile uoso u dia dikoka lelu, tunde kiki katé mu ngoloxi, phala ngi diange hanji kutata phonzo ku jinguma jami. Kienhiki ku athu oso, kana muthu ua tena ku lola kúdia.

I Samuuele 14:24 ပူးပေါင်းရင်းမြစ်များ

Jisálamu 18:47

Muene Nzambi ua ngi bhela-nâ kaxtiku, ua bateka ifuẋi phala ngi kale ku thandu diâ.

Jisabhu 11:9

Muthu uaiibha ni mangonha, u sendumuna mukuá ni dikanu diê; aiuka-phe mukonda dia kutongoloka kuâ, a kà bhulaka.

Ijila 27:29

Ima ioso muthu ia lumbila kiki kua Jihova, né muthu, kana ku mu kula dingi; kikale a mu jibha muene.

Ijila 5:4

Mba muthu se u zuela ngó lusolo mu kuloka, kixi mu kubhanga kiaiibha kixi mu kubhanga kiambote, kioso-kioso kia tange muthu ni kuloka, mu kuzuela ngó lusolo sé ku kʼijiia; o kia-ndu tambula kilunji anga u kʼijiia, u kala ni kuêla mu kima kala kiki.

Dialuilu 21:2

Izalaiele anga a di hambelela kua Jihova, exi: Se kidi muene u ngi bhana kifuẋi kienhiki bhu maku mami, jimbonge jâ ngi ji buidisa muene.

Dialuilu 5:21

(bhenhobho-phe nganga u lokesa muhatu mulôko ua mázui, u ambela muhatu kiki:) Jihova a ku bhange u mukua mázui, u mukua kisunji mu kaẋi ka kifuẋi kié, a bhangese ditabela dié ku kamba nguzu, divumu dié di jimba.

Loma 10:2

Mukonda eme ngi mbangi iâ kuma Nzambi a mu suinina kiavulu muene. Maji o kusina kuâ kuene kua kukamba kutongoloka kua kidi.

I Kolindo 16:22

Se bhu kala muthu ua kambe o kuzola Ngana, a kale muthu a mu bhubhidila! Malanata—Ngana ietu ʼza kiá!

Josuué 6:26

Josuué anga u ta mázui mu izuua ienhoio, uixi; A mu bhubhidile, muthu uoso bhu pholo ia Jihova, u balumuka mu tunga dingi mbonge iii ia Jedikó; mu kuta madisesa, monʼê ua phande-kumbi u mu fua; o mu kuimika mabhitu, monʼê ua kasule u mu fua.

Afundixi 1:28

Ku izuua-izuua-phe, Izalaiele kia sunga dingi nguzu, u bhangesa makanana ku kala abhika a kuenda ni ku futa lubhaku, kuma enʼoso ka a kaie katé kia a zubha.

Afundixi 5:2

Kuma atuameneni a tuamena mua Izalaiele, kuma o mundu a di bheka ni vondadi mu kúlua ita, sakidilenu Jihova.

I Samuuele 14:25

Mundu uoso uenhó anga a bhita mu ditutu diala ni uiki bhoxi.

I Samuuele 14:39

Saúlo anga u loka, uixi: Kalé-ku Jihova ku muenhu, mukua kubhulula Izalaiele, némbé ki kala monʼami Jónata muene uate kituxi, ufua kidi muene. Ku mundu uoso-phe kana-ku muthu ua mu vutuila.

I Samuuele 18:25

Saúlo anga u zuela, uizi: Davidi mu mu ambela kiki: Muenexi ka mesena kilembu mukonda ua mesenʼé ngó hâma ia inhûnga ia akua Fidíxia, mu ku mu vutuila phonzo ku jinguma jê. Saúlophe ua zuela kiki mukonda ua fika kuma Davidi ua-nda ku dibhala bhu lukuaku lua akua Fidíxia.