I Samuuele 14:17 - O Mikanda Ikola

¹⁷ Saúlu anga u zuelela o mundu ualanau u a tangela, uixi: Kuatenu o konda tu tale uoso ua tundu-bhu. Kia zubha kukuata o konda, Jónata ni kibese kiê ene a kambe-bhu.

I Samuuele 14:17 ပူးပေါင်းရင်းမြစ်များ

Afundixi 9:54

Muene anga u ixana lusolo kibese kiê ua mu ambatela ibakatu ia ita, uixi: Fomona xibhata ié nda u ngi zubhidise, athu ka kale mu kuila exi: muhatu ua mu jibha. Kibese kiê anga u mu toma mu muẋima, u fuila bhobho.

I Samuuele 14:16

Makuenze a Saúlu-phe ala ku ilangidilu mu Ngibeia ia Bejamí, a tala, hé a mona kifuxi kia jifilisteu kiala kuia ni ku di muanga, a botomoka, iá ela kuku, iá ela kuku, ni kuingajaka.

I Samuuele 14:18

Saúlu anga u ambela Ahija, uixi: Bheka kunu o álaka í ia Nzambi. Kuma thembu ioio álaka ia Nzambi iala bhuʼamoxi ni anʼa Izalaiele.