I Samuuele 14:15 - O Mikanda Ikola

¹⁵ Anga bhu kala kuteketa bhu kibangu kia akua Fidíxia, ni mu mukau, ni ku mundu uoso; akua poxto, ni akua kubhûnda, a teketa uâ; ni mavu a zamba mukonda kuteketa kuavulu kiki kua tundu kua Nzambi.

I Samuuele 14:15 ပူးပေါင်းရင်းမြစ်များ

Dimatekenu 35:5

Anga a katuka, Nzambi anga u ta uoma uavulu ku thandu dia madiembu mâ a kala mu jimbandu, ki bhuala ua tena kukaiela ana a Jakobo.

II Samuuele 5:24

Kioso-phe eie ki uivua mulokoso mu mafue ma jimolela kala athu a mu kuenda, kienhokio kiá eie mateka kúlua, kuma kithanganʼokio Jihova ua ku tuamenena muene ku pholo mu kubeta kifuxi kia akua Fidíxia.

Jobe 18:11

O isunji ia kènda ni ku mu sasumuisa ku mbandu joso; ia kà bhangesa kuila kuoso-kuoso kua di tela, uia ni kulenga-lenga ngó!

Jisálamu 14:5

Hinu bhu kala kizuua kiâ kia di uana, anga ezala ni uoma; kuma Nzambi uala ni muiji uoso u mu xila muene.

Makatukilu 19:18

Mulundu uoso ua Sinai anga u kala mu tuka dixi, mukonda Jihova ua tulukila ku thandu diê muʼaxaxe ka túbhia, dixi diê anga di banda kala dixi dia kidijiku kionéne mulundu uoso anga u teketa, uia ni kutunguta kiavulu.

Daniiele 5:6

Anga kienhokio pholo ia sobha ikituluka, ilunji ia mu tandanganha katé ni miongo ia mu botomoka, jiphuna jiteketa, ji di-ṗhuṗha-ṗhuṗha bhuamoxi.

Matesu 24:6

Muà kèvua ita, ni jingolokela ja ita; talenu, miẋima ki i mi titile. Mbata ima iíi ia bhingi i dianga kubhita, maji ki diene luua o dizubhilu.

Josuué 2:9

anga u ambela mala, uixi: Eme ngejiia kuma, Jihova ua mi bhana muene ixi ienhiʼii, tua bhuuama kiá ni uoma uenu, akuaʼxi ene oso a botomoka bhu pholo ienu.

Afundixi 7:21

Anga emana kala muthu bhu kididi kiê, kilômbo a ki bhake mu kaẋi; kifuẋi kioso-phe kia akua Midiiana anga ki lundumuka ni lusolo, a dikola-kola, anga aia ni kulenga.

I Samuuele 13:17

Akua kubhûnda anga a tunda bhu kibangu kia akua Fidíxia, a di uanununa mu ibuka itatu; kibuka kimoxi kʼila ia Ofala katé ku ixi ia Saúlo;

I Samuuele 13:18

kibuka kiamukuá kʼila njila ia Beteholone; kibuka kiamukuá kʼila njila ia mbámbe, i iala mu honga ia Nzeboíme ku mikáu ia hatu.

I Samuuele 13:23

Kibuka kia akua Fidíxia anga a ta upoxto uâ bhu phaka ia Mikimaxi.

I Samuuele 14:14

O kibetu kiki mu kumateka-kê, makuinhi aiadi a muthu a a jibha kiá kuala Jonata ni kibese kiê, mu kadikanga ka kuila mavu a dima junda ia jingombe mu kizuua kimoxi, a suka ngó mu kaẋi.

I Samuuele 14:16

Makuenze a Saúlu-phe ala ku ilangidilu mu Ngibeia ia Bejamí, a tala, hé a mona kifuxi kia jifilisteu kiala kuia ni ku di muanga, a botomoka, iá ela kuku, iá ela kuku, ni kuingajaka.

I Samuuele 7:10

Anga ki bhita kuila, kiosuʼiki Samuuele kiala kubhana o sata ia kuoha, akua Fidíxia a tula, eza mu kúlua ni Izalaiele; Jihova-phe u numina kizuua kienokio ni kinuminu kia dízui diê dia dikota ku thandu dia akua Fidíxia, hé ua dimbulula ni uoma uavulu a lenga malusolo; anga a toloka bhu pholo ia akua Izalaiele.