I Samuuele 14:1 - O Mikanda Ikola

¹ Anga bhu kala kizuua, Jonata monʼa Saúlo u ambela kibese kiê ua mu mu ambatela o ibhakatu iê ia ita, uixi: Ndoko, tu zaúke ku sámbua bhuala poxto ia akua Fidíxia. Tatʼâ-phe ka mu lekela.

I Samuuele 14:1 ပူးပေါင်းရင်းမြစ်များ

Mikeia 7:5

Kana kuẋikina ki ku tangela o dikamba, o kazola ké kana ku mu dielela; katé ni mabhitu a dikanu dié ku a jikuile o muhatu ua zeka bhu jihata jé.

Afundixi 14:6

Nzumbi ia Jihova anga iza ni nguzu kua Sansau, u di takuila ku hoje anga u i kuata, u i sauna kala monʼa hombo a mu kuata; o bhu maku-phe muene ka kuata kima, uala ngó maku a hatu. O kia bhange-phe kiki, ka ki tangela ue tatʼâ mba mamʼâ.

Afundixi 14:9

Anga u katula-mu uiki bhu makuʼê anga uia ni kúdia mu njila muala kuila; u tula ue bhuala tatʼâ ni mamʼâ, u a bhana-ku, ene ue a dia; ka a tangela-phe kuila uiki ua u katula mu kisasu kia hoji.

Afundixi 6:27

Bhenhobho Ngidiione anga u katula kuinhi dia muthu ku akua mbèle iê, u bhanga kioso kia mu ambela Jihova. Maji mukonda-phe dia kukala ni uoma ua ndandu ja tatʼâ, ni mala amukuá a akua bhata diê, ka tena ku ki bhanga mu muânha, maji u ki bhanga-phe mu usuku.

I Samuuele 13:2

Saúlo u nona midi jitatu ja mala mu Izalaiele, o ku midi jitatuʼiji, midi jiiadi ji kala ni Saúlo bhu Mikimaxi ni mu mulundu ua Betele, midi imoxi i kala ni Jonata bhu Ngibeia ia Bejamí; Mundu ua subhukaku ua mukuá hé u a muanganesa kala muthu ku balaka iê.

I Samuuele 13:22

Mukonda dia kiki, kia bhiẋila bhu kizuua kia ita, ku mundu uoso ua mu kuenda ni Saúlo ki bhuala ngó muthu ua kuata mukuale mba sosa, kikale Saúlo muene ngó ni Jonata dia monʼê ene ngó a i kuata.

I Samuuele 13:23

Kibuka kia akua Fidíxia anga a ta upoxto uâ bhu phaka ia Mikimaxi.

I Samuuele 14:2

Saúlo-phe ua tula ku hota ia Ngibeia, mu kilembeketa kia mulomela uala bhu Mingolone, ni mundu uala-mê kumoxi, hâma jisamanu ja mala.

I Samuuele 25:19

Muene anga u ambela minzalngala iê, uixi: Ngi tuamenenienu; eme ngizʼó ni kukaiela. Ka ki tangela-phe munumiʼê Nabale.