I Samuuele 13:9 - O Mikanda Ikola

⁹ Saúlo anga u amba, uixi: Bekenu sata ia kuoha ni sata ia paze. Anga u sata o sata ia kuoha.

I Samuuele 13:9 ပူးပေါင်းရင်းမြစ်များ

II Samuuele 24:25

Davidi anga u tungila-bhu kalatódio ka Jihova, hé u bhakuila-bhu jisata ja kuoha ni jisata ja kuluulula. Kienhiki Jihova anga u xikina o kudionda kuâ, kuala kudiondela oxi, kibuika kia kexe mu buikisa Izalaiele anga ki batuka.

I Jisobha 3:4

Solomá anga uia ku Ngibiione mu satela-ku, mukonda o kuenhoko kuene-phe ku ditala dia dikota; midi ia sata ia kuoha ia bhana Solomá bhu kalatódio koko.

Jisálamu 37:7

Niohena kua Jihova, u mu kinge kimuanu; kana kulalama mukonda dia ió uedi kala ua mu zediuila mu njila iê iengi, u xinganeka jindunge jaiibha, anga uia muene ni ku ji bhanga.

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jisabhu 20:22

Kana kuila: Ngi vutula phonzo kia ngi bhangʼiki; inda ua kinga Jihova, muene ua-nda ku ku bhulula.

Jisabhu 21:27

Sata ia akua kubhuma, kisinji kua Nzambi; kuambe dingi-phe ki a i bheka ni muẋima ua kubhanga phulu!

Jisabhu 21:3

Kubatula o milonga mu kidi ni kufundisa athu sè katungu, kia beta ku uabhela Jihova, ku mu bhakuila jisata, ndenge.

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Matendelelu 12:5

Bhuoso kiá bhu kididi kia solo kuala Jihova Nzambi ienu muʼaxaxi ka miji ienu ioso, phala kuxikika-bhu o Dijina diê, bhene bhu muia jinga, kuma bhene bhu bhata diê.

Matendelelu 12:6

Bhene bhu muenda ni kubheka o jisata jenu ja kuoha, ni ibhaku ienu ioso ia kusatela Jihova, ni madijimu menu ni maujitu menu ma ku di fikixila bhu lukuaku luenu, ni jihasa jenu, ni mibhaku ienu ia vondadi, ni jiphande-kumbi ja jingombe jenu ni ja jimbudi jenu.

I Samuuele 14:18

Saúlu anga u ambela Ahija, uixi: Bheka kunu o álaka í ia Nzambi. Kuma thembu ioio álaka ia Nzambi iala bhuʼamoxi ni anʼa Izalaiele.