I Samuuele 13:5 - O Mikanda Ikola

⁵ Akua Fidíxia ue anga a di bhongolola mu kúlua ni Izalaiele, makuinhi atatu a midi ia makalu ma ita, ni midi jisamanu ja akua kumondala jikabalu, o mundu uamuká ua iá endela bhoxi a soko ni kisèkele bhu ndúndu ia kalunga mu kuvula. Anga a banda, a ta kibangu kiâ bhu Mikimaxi; Betavene a i somboka anga aia ku pholo ku mbandu ia mu tundila dikumbi.

I Samuuele 13:5 ပူးပေါင်းရင်းမြစ်များ

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

II Samuuele 17:11

Eme-phe ngi bhana phangu kuma a diange kubhongolola hanji akua Izalaiele oso bhu kinama kié, tunde ku Dane katé ku Beleseba, kifuxi mu kuvula ki kale mukuá ni kisekele bhu mdúndu ia kalunga; o ki aia ku ita eie muene uia-nâ muʼaxaxe kâ.

I Jisobha 20:27

O anʼa Izalaiele ue a di kinda hé a di bhongola, anga a a uanena o huta, hé a tunda mu kúlua-nâ; anga anʼ Izalaiele a ta kibhangu kiâ ku pholo ia akua Sídia, u fika kala tuilunga tu-iadi tua jihombo; maji akua Sídia-phe a di zale mu ixi ioso.

II Malunda 1:9

O kiki-phe, u Jihova Nzambi, ki dikumbidile, o kizuelu kié ki ua bhana kua tatʼetu Davidi, kuma eie ua ngi bhange ngi sobha ia mundu ua vulu, kala fufutila ia mavu mu ngongo.

Izaía 10:28

Iu uiza, uazukama kiá mu Aiate, iu bhita kiá mu Mingolone, o imbamba iê ua i bhiẋika kiá mu Mikimaxi.

Izaía 48:19

Katé ni mbutu ié ue, ieje kuila kala kisèkele; o oso a tunda mu vumu dié, ela kala jimbundu ja museke; o dijina diâ ki dieje ku batuka mba kujimuka ku mesu mami, lémbua.

Jelemiia 15:8

O atudiʼâ a ahatu a beta ku di vualulula o museke ua kizanga kia kalunga ndenge; ku mediia nga takana-ku mubuikixi phala kubuikisa mama ia minzangala: nga mu tumu ku mu tukumuisa, ni kuizalesa o mbonge ni kimbuua.

Hozeia 10:5

Akua bhata mu Samádia a-nda kuteketa mukonda dia kiteka kiâ kia kangombe ka Bete-Avene; o mundu uê ua kà ta jingololo mukonda diê, o kibuka kia jinganga ja iteka iâ a kà teketa mukonda dia matunda mâ ma di boto.

Hozeia 4:15

Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Hozeia 5:8

Xikenu mbungu mu Jibeia, koloneta i tende mu Lama! Kolenu nzongo mu Bet-avene! Aluka-phe eie Bejamí, kia ku iza-ze!

Loma 9:27

Ni Izaia ue ua zuela ku mbandu ia Izalaiele, uixi: Né-mbe o mundu ua anʼ a Izalaiele u vula kala kisekele bhu mbanduʼ a kalunga, tumbalu-mbalu tuâ, tuene ngó tua kà bhuluka.

Josuué 11:4

Ene osoʼá anga a tunda ni ilombo iâ ia ita, mundu uvula, o nzungule iâ mukua ni kisekele ku kibumu kia kalunga; jikabalu jivula, o makalu ue nzungule.

Josuué 18:12

Mbambe iê anga i bhela ku mbandu ia kusuku tundé ku Njolodá; mbambe iii hé i di kunga ni Jedikó ni ku kusuku, i bandela ku mulundu i lunga ku luiji mu kikangalakata kia Bete-avene.

Josuué 7:2

Josuué anga u katula athu bhu Jedikó, u a tuma ku Hai, kua zukama Bete-Avene, ku mbandu ia thunda ia Betele, anga u a ambela, uixi: Bandenu hanji mu londe ixi. Anga a banda a londa Hai.

Afundixi 7:12

Akua Midiiana bhenhobho, ni akua Amaleke, ni ana a mukuá mu thunda-mbulu, a di zale mu honga kala kihoho mu kuvula, ni jikamelu jâ u lémbua ku ji tanga, mukuâ ni kisekele bhu ndundu ia kalunga mu kuvula.

I Samuuele 13:11

Samuuele anga u zuela, uixi: Eie ua bhange kiebhi? Kuala Saúlo: Mukonda nga mono mundu ua mu ngi muangana, eie-phe ua kambe kuiza mu i izua i ua xindi, o akua Fidíxia-phe ki nga a mono a bhongolokela bhu Mikimaxi,

I Samuuele 13:2

Saúlo u nona midi jitatu ja mala mu Izalaiele, o ku midi jitatuʼiji, midi jiiadi ji kala ni Saúlo bhu Mikimaxi ni mu mulundu ua Betele, midi imoxi i kala ni Jonata bhu Ngibeia ia Bejamí; Mundu ua subhukaku ua mukuá hé u a muanganesa kala muthu ku balaka iê.

I Samuuele 14:23

Kienhiki Jihova ua bhulula Izalaiele mu kizuua kienʼokio, ita anga i somboka bhu Betavene.

I Samuuele 14:52

Anga kukala ita iatema ni akua Fidíxia izuua ioso ia muenhu ua Saúlo. Saúlo anga u kala mu kuila uoso diiala dia nguzu a mu mono, uoso dizonda dia kubhânga, u mu bhongolola hé u kalanê kumoxi.

I Samuuele 17:1

Kiki-phe akua Fídixia a bhongolola dingi ilombo iâ mu kúlua ita; anga a bhongolokela bhu Soko, bhua tokala kua Juda, a ta kibangu kiâ mu kaẋi ka Soko ni Azeka mu Efesedamimu.

I Samuuele 7:13

Kienhiki akua Fidíxia a toloka, ka somboka dingi mbámbe ia Izalaiele; o Lukuaku lua Jihova anga lu kala ku thandu dia akua Fidíxia izuua ioso ia Samuuele.