I Samuuele 13:2 - O Mikanda Ikola

² Saúlo u nona midi jitatu ja mala mu Izalaiele, o ku midi jitatuʼiji, midi jiiadi ji kala ni Saúlo bhu Mikimaxi ni mu mulundu ua Betele, midi imoxi i kala ni Jonata bhu Ngibeia ia Bejamí; Mundu ua subhukaku ua mukuá hé u a muanganesa kala muthu ku balaka iê.

I Samuuele 13:2 ပူးပေါင်းရင်းမြစ်များ

II Samuuele 20:1

Bhenhobho anga bhu kala muthu ua tokala ni Kadiaphemba, dijina diê Seba, monʼa Bikidi, mukua muiji ua Bejamí; muenhú anga u xika koloneta, uixi: Etu mu kisangela kia Davidi, ki tuala-mu, mba tu kala ni undundu mua monʼa Jese! Muanganenu Izalaiele, kala muthu aie ku balaka iê!

II Samuuele 21:6

Eie u kuata sambuadi dia anʼê a mala, u tu bhakuile-nâ, tu a nhenge bhu pholo ia Jihova mu Ngibeia ia Saúlo, ió a mu solele kuala Jihova. Muenexi anga u vutula, uixi: Ngʼa bhana.

II Samuuele 23:29

Helebe monʼa Baiena mukua Netofa, Itai monʼa Dibai mukua Ngibeia ia anʼa Bejamí,

Ejidala 2:27

Akua Mikima, hama ni makuinhi a iadi ni kiiadi kia athu.

Nehemiia 11:31

Anga o anʼa Bejamí, dia Jeba, a kala mu Mikimaxi, ni mu jisengo jê;

Josuué 18:28

ni Zela, ni Elefe, ni Jebusi (muene Jeluzaleme), ni Ngibeia, ni Kidiate; kuinhi dia sanzala ni jiuana ni tumadiembu tuâ; iú uene o ubhinganu ua anʼa Bejamí, ku majiku-majiku.

Josuué 22:6

Kienhiki Josuué ua a te o kizediuise bhenhobho, iú ua a sulula, ia aii mu jibalaka jâ.

Afundixi 19:12

Muadiʼê-phe u mu ambela ixi: Kana, ki tu bhambukile bhabha, mu zekela bhu bhata dia athu engi, bhua kambe anʼa Izalaiele; tuie ku pholo bhu Ngibeia.

I Samuuele 10:26

Saúlo ue anga uia ku bhata diê bhu Ngibeia; anga ku mu kaiela kibuka kia mala, Nzambi ua a babata mu miẋima iâ.

I Samuuele 10:5

Kutunda bhobho ua kà bhita kalundu ka Nzambi, bhuala o kibangu kia akua Fidíxia; kia kà bhita-phe kuila, mu kutula bhu bhata bhobho, ua ka takana ni kibuka kia jipolofeta, ala mu tunda ku thala ni kuxika kakoxi, ni ngoma, ni mbéndu, ni mbanza, a kà kala mu zuela ni uanji ua upolofeta.

I Samuuele 13:1

Saulo-phe ki eza ku ungana, kia zubha kubhanga mivu iiadi ku ungana ua Izalaiele,

I Samuuele 13:11

Samuuele anga u zuela, uixi: Eie ua bhange kiebhi? Kuala Saúlo: Mukonda nga mono mundu ua mu ngi muangana, eie-phe ua kambe kuiza mu i izua i ua xindi, o akua Fidíxia-phe ki nga a mono a bhongolokela bhu Mikimaxi,

I Samuuele 13:15

Samuuele anga u balumuka, u tunda bhu Jidingale hé u banda ku Ngibeia ia Bejamí. Saúlo anga u kuata konda ia mundu ala kumoxi ni muene, hâma jisamanu ja mala.

I Samuuele 13:16

Ni Saúlo-phe ni monʼê Jonata, ni mundu aia-nâ kumoxi a tula bhu Ngibeia ia Bejamí a ta kibango kiâ bhenhobho; akua Fidíxia-phe a te kibangu kiâ ue bhu Mikimaxi.

I Samuuele 13:23

Kibuka kia akua Fidíxia anga a ta upoxto uâ bhu phaka ia Mikimaxi.

I Samuuele 13:5

Akua Fidíxia ue anga a di bhongolola mu kúlua ni Izalaiele, makuinhi atatu a midi ia makalu ma ita, ni midi jisamanu ja akua kumondala jikabalu, o mundu uamuká ua iá endela bhoxi a soko ni kisèkele bhu ndúndu ia kalunga mu kuvula. Anga a banda, a ta kibangu kiâ bhu Mikimaxi; Betavene a i somboka anga aia ku pholo ku mbandu ia mu tundila dikumbi.

I Samuuele 14:31

Anga a beta akua Fidíxia mu kizuua kienʼokio tunde bhu Mikimaxi katé ku Aihalone. Mundu anga a bhuila muene kiavulu, a iokojoka.

I Samuuele 14:5

Ndánji imoxi iemanena ku mbandu ia norte bhua lulama ni Mikimaxi, ndánji iamukuá iemanena ku mbandu ia sulu bhua lulama ni Ngibeia.

I Samuuele 14:52

Anga kukala ita iatema ni akua Fidíxia izuua ioso ia muenhu ua Saúlo. Saúlo anga u kala mu kuila uoso diiala dia nguzu a mu mono, uoso dizonda dia kubhânga, u mu bhongolola hé u kalanê kumoxi.

I Samuuele 15:34

Kia zubha kubhita imʼiii, Samuuele anga uia ku Lama; o Saúlo anga uia ku bhata diê bhu Ngibeia ia Saúlo.

I Samuuele 24:3

Anga u bhixila bhu ibhanga ia jimbudi mu njila, bhuala dibanda; Saúlu u bokona-mu mu ku di tebhununa mu mala. Davidi-phe ni makuenze mê a xikama mu jihota ja dibanda dienhidi.

I Samuuele 26:2

Saúlo anga u balumuka, u kulumuka ku ditutu dia Zifi, ni midi jitatu ja mala ua a nona mu Izalaiele, ela-nê kumoxi, mu kusota Davidi mu ditutu dia Zifi.

I Samuuele 8:11

Anga uamba, uixi: Sobha mua-nda ku mu hingisa, utuminu uê uà kala kiki: U mi tambula anʼenu a mala, ua a bhanga makuenze ma makalu mê ma ita, ni ma jikabalo jê, a kala makuenze mê ma kusonguela o makalu mê ma ita.