I Samuuele 12:8 - O Mikanda Ikola

⁸ Jakobo kioso kia kulumuka mu Ijito, akua Ijito a mu bhondeleka; jitata jenu anga ji dikola kua Jihova, Jihova kienʼokio u tuma Mozé ni Alá, hé a katula jitata jenu mu Ijito, anga a a bheka kutunga mʼoxi mumu.

I Samuuele 12:8 ပူးပေါင်းရင်းမြစ်များ

Jisálamu 105:44

Jixi ja matumbu anga u a bhana-ju ene; athu engi a kalakala, ene a a bhingana;

Makatukilu 12:51

Anga ki bhita kuila, mu kizuua kienhókio, Jihova u katula anʼa Izalaiele mʼoxi ia Ijitu, kala kia di te mu ilombo iâ.

Makatukilu 6:26

Enʼiá-phe Alá ni Mozé, a ambela kuala Jihova, uixi: Mu katula anʼa Izalaiele mʼoxi ia Ijitu, ni ku a ta mu ilombo iâ.

Dialuilu 20:15

ni kioso o jitata jetu kia kulumukine ku Ijitu, etuʼetu tua tungu ndumba dia izuua mu Ijitu; ni kioso akua Ijitu kia tu bhanga jinga o usuéia, ni etu ni jitata jetu.

Jipoxolo 7:15

Jakobo anga u kulumuka mu Ijitu, o muène anga u fila momo ni jitata jetu.

Josuué 1:6

Kala u kindanda, u kole kiambote muxima; kuma o kifuẋi kiki eie muene ua-nda ku ki uanena ibatu ia undundu uâ, mʼoxi i nga lokela jitata jâ ngixi hinu ngi mi bhana-iu.

Josuué 21:43

Jihova, mu ku bhanga kiki, ua bhana muene oxi ioso kua anʼa Izalaiele, ia lokelele o ku i bhana ku jitata jâ, o ene anga a i ívua muene, a tunga momo.

I Samuuele 10:18

angu u ambela anʼa Izalaiele, uixi: Eme Jihova, Nzambi ia Izalaiele, uambe, kiki: Nga katula Izalaiele mu Ijitu, nga mi kudila bhu maku ma akua Ijito, ni bhu maku ma maungana moso mamukuá ma kexe ku, mi bhikisa,

I Samuuele 12:6

Samuuele anga u ambela o mundu, uixi: Kiene-phe muene, Jihova a kale mbangi kuma muene ua sola Mozé ni Alá, iu ua katula o jitata jetu mʼoxi ia Ijito, iu ua a bheka kunu.